TSV Altenholz

in Wikipedia, die vrye ensiklopedie
Spring na: navigasie, soek
TSV Altenholz
TSV Altenholz Logo.gif
Volledige naam Turn- und Sportverein Altenholz
von 1948
Bynaam
Stigtingsdatum 15 November 1923
Tuisveld Stadion Klausdorfer Straße,
Altenholz
Kapasiteit 5 000
Kompetisie Oberliga Sleeswyk–Holstein

TSV Altenholz is ‘n sportklub uit Altenholz in die deelstaat Sleeswyk-Holstein in Duitsland waarvan die sokkerafdeling in die Oberliga Sleeswyk-Holstein meeding. Benewens sokker het die klub ook afdelings vir onder meer pluimbal, handbal, tafeltennis, judo, karate, atletiek, swem, dans, tennis en gimnastiek. Die klub se mees suksesvolle afdeling is die handbalafdeling, waarvan die mansspan al in die Bundesliga, die hoogste vlak van die Duitse handbalstruktuur, meegeding het.

Alhoewel die sportklub al op 15 November 1923 gestig is, het die klub eers in 1965 ‘n sokkerafdeling gekry. Die sokkerafdeling moes egter nog altyd tweede viool speel teen die handballers en kort hierna het die sokkerafdeling hulle eie klub gestig, genaamd VfL Altenholz. VfL Altenholz het egter kort voor lank ontbind en voor die einde van 1966 het die sokkerspelers weer teruggekeer na die moederklub.

In 1997 het die ambisieuse sokkerafdeling die eerste keer die Oberliga gehaal, deurdat die span met ‘n professionele afrigter en verskeie spelers versterk is. Kort hierna het die sokkerafdeling weer onafhanklik geraak, hierdie keer met die naam TSV Altenholz Fußball GmbH & Co. KG. Die span het ook sy grootste skare in 1997 gelok: 4 102 toeskouers in die wedstryd teen Holstein Kiel. In die 1999/00-seisoen het die span die Oberligatitel met 5 punte misgeloop en die span is toe verder versterk met professionele spelers met die oog op promosie na die Regionalliga. Toe die span egter net 10de kon eindig in die 2000/01-seisoen, het finansiële druk die onafhanklike sokkerklub genoop om te ontbind en weer deel te word van TSV Altenholz. Die span het vir dieselfde rede aan die einde van die 2002/03-seisoen vrywillig uit die Oberliga onttrek en twee vlakke laer na die Bezirksoberliga Kiel gerelegeer.

Onlangse ligaposisionering[wysig]

  • 1990-91 (IX) Kreisliga 1ste
  • 1991-92 (VIII) Bezirksklasse Oos 1ste
  • 1992-93 (VII) Bezirksliga Oos 1ste
  • 1993-94 (VI) Bezirksoberliga Kiel 1ste
  • 1994-95 (V) Verbandsliga S-H 12de
  • 1995-96 (V) Verbandsliga S-H 3de
  • 1996-97 (V) Verbandsliga S-H 1ste
  • 1997-98 (IV) Oberliga Hamburg/S-H 6de
  • 1998-99 (IV) Oberliga Hamburg/S-H 13de
  • 1999-00 (IV) Oberliga Hamburg/S-H 3de
  • 2000-01 (IV) Oberliga Hamburg/S-H 10de
  • 2001-02 (IV) Oberliga Hamburg/S-H 15de
  • 2002-03 (IV) Oberliga Hamburg/S-H 12de
  • 2003-04 (VI) Bezirksoberliga Kiel 3de
  • 2004-05 (VI) Bezirksoberliga Kiel 3de
  • 2005-06 (VI) Bezirksoberliga Kiel 1ste
  • 2006-07 (V) Verbandsliga S-H 11de
  • 2007-08 (V) Verbandsliga S-H 9de
  • 2008-09 (V) Oberliga S-H 9de

Verwysings[wysig]

  • Hardy Grüne: Der kurze Fußballtraum von Altenholz, in: Legendäre Fußballvereine. Norddeutschland zwischen TSV Achim, Hamburger SV und TuS Zeven, Kassel: Agon Sportverlag, 2004 S. 16. ISBN 3-89784-223-8
  • Hardy Grüne: (2001): Vereinslexikon. Enzyklopädie des deutschen Ligafußballs. Band 7. Kassel: AGON Sportverlag, S. 279 ISBN 3-89784-147-9

Eksterne skakels[wysig]


Oberliga Sleeswyk-Holstein 2008/09-seisoen

TSV AltenholzFT Eider BüdelsdorfEckernförder SVFlensburg 08Heider SV
Heikendorfer SVSV Henstedt-RhenVfR HorstHusumer SVItzehoer SV 09SC Comet Kiel
Holstein Kiel IIFC Kilia KielTSV KroppVfB Lübeck IIVfR Neumünster1. SV Sleeswyk 06NTSV Strand 08