Tairoa
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die S.S. Tairoa was 'n Britse vragksip wat tydens die Tweede Wêreldoorlog voor die kus van Namibië deur die Duitse oorlogskip Admiral Graf Spee gekelder is met 'n torpedo.
Die Tairoa van 7 983 ton is in 1920 gebou en was die eiendom van die Shaw, Savill and Albion Line van Londen. Dit was onderweg van Brisbane in Australië na Londen met 'n vrag van 12 000 ton bevrore vleis, kaas, botter, wol, lood en algemene vrag toe dit op 3 Desember 1939 op 'n afstand van 1 050 km suidoos van St. Helena deur die Graf Spee voorgekeer is. Om te voorkom dat die Graf Spee se posisie bekend word, is die Tairoa beveel om geen noodsein uit te stuur nie. Toe die marconis dit wel doen, skiet die Graf Spee. Nogtans doen die marconis dit weer en bombardeer die Graf Spee die Tairoa weer. Die Tairoa is so beskadig dat dit nie verder kon vaar nie. Al die 81 bemanningslede, insluitende kapt. William B.S. Starr, is krygsgevange aan boord die Graf Spee geneem. Daar was slegs 5 beseerdes en geen gesneuweldes nie. Daarna is die Tairoa gekelder. Op 6 Desember is die meeste krygsgevangenes na die Altmark oorgeplaas en saam met die gevangenes van die Doric Star na Europa gebring.
Bibliografie[wysig | wysig bron]
- www.maritimequest.com
- myweb.tiscali.co.uk
- www.wrecksite.eu