Tarbosaurus

in Wikipedia, die vrye ensiklopedie
Spring na: navigasie, soek
10 m
3 m
     Tarbosaurus bataar
Die grootte van verskeie soorte tirannosourides in vergelyking met die mens. (bron)
Tarbosaurus
Tydperk: Laat Kryt 70 m. jaar gelede
’n Skelet wat deur die VSA aan Mongolië terugbesorg is.
Wetenskaplike klassifikasie
Koninkryk: Animalia
Filum: Chordata
Klas: Sauropsida
Superorde: Dinosauria
Orde: Saurischia
Suborde: Theropoda
Superfamilie: Coelurosauria
Familie: Tyrannosauridae
Genus: Tarbosaurus
(Maleev, 1955)
Bionominale naam
T. bataar
Tarbosaurus
Kladistiese klassifikasie
Koninkryk: Animalia
Filum: Chordata
Klade: Dinosauria
Klade: Theropoda
Familie: Tyrannosauridae
Genus: Tarbosaurus
(Maleev, 1955)

Tarbosaurus ("angswekkende akkedis") was ’n genus Tyrannosauridae-dinosourusse wat sowat 70 miljoen jaar gelede tydens die Laat Kryt-periode in Asië voorgekom het. Fossiele is in Mongolië ontdek en brokstukke in Sjina.

Hoewel ’n paar spesies al genoem is, erken paleontoloë net een, T. bataar. Sommige kenners beskou dit as ’n Asiatiese verteenwoordiger van die Noord-Amerikaanse genus Tyrannosaurus. Tarbosaurus en Tyrannosaurus stem baie ooreen, as hulle nie taksonomiese sinonieme is nie. Sommige wetenskaplikes meen Alioramus, ook van Mongolië, is Tarbosaurus se naaste verwant.

Soos die meeste bekende tirannosourides was die tarbosourus ’n groot tweevoetige roofdier wat tot 6 ton geweeg en sowat 60 groot tande gehad het. Dit het ’n unieke sluitmeganisme in sy onderkaak gehad en die kleinste voorpote in vergelyking met die res van sy liggaam van alle tirannosourides.

Hy was in sy welige habitat aan die bopunt van sy voedselketting en het moontlik ander groter dinosourusse soos Saurolophus of Nemegtosaurus gejag. Daar is tientalle fossiele gevind, insluitende verskeie volledige skedels en skelette.