Technicolor SA

in Wikipedia, die vrye ensiklopedie
Spring na: navigasie, soek
Technicolor SA
Tipe Aandelemaatskappy
Gestig Parys, Frankryk - Thomson SA (1893)
Boston, Massachusetts, VSA - Technicolor Inc. (1914)
Hoofkantoor Issy-les-Moulineaux, Frankryk
Sleutelpersone Frederic Rose (hoof uitvoerende beampte)
Rémy Sautter (voorsitter van die Raad)
Gebied bedien Wêreldwyd
Industrie Elektroniese verbruikersware en mediadienste
Inkomste €3,449 miljard (2013)
Netto inkomste €92 miljoen (2013)
Werknemers 14 639 (2012)
Webwerf technicolor.com

Technicolor SA, wat vroeër onder die naam Thomson Multimedia bekendgestaan het, is 'n multinasionale vervaardiger van elektroniese verbruikersware en mediadienste en het sy hoofkwartier in Boulogne-Billancourt, Frankryk. Die maatskappy het in 2004 byna 60 000 werknemers in dertig lande dwarsoor die wêreld. Die gekonsolideerde wins van Thomson beloop in 2003 byna € 8,5 miljard. Technicolor SA word op die Franse effektebeurs-indeks CAC 40 gelys.

Organisasie[wysig]

Thomson gebruik vir sy internasionale bedrywighede vier strategiese handelsmerke:

  • Thomson: Verskaf elektroniese verbruikersware vir die Europese markte
  • RCA: Verskaf elektroniese verbruikersware vir die Noord- en Suid-Amerikaanse markte
  • Grass Valley: Verskaf toerusting en dienste aan uitsaaikorporasies dwarsoor die wêreld
  • Technicolor: Verskaf dienste aan die rolprentbedrywe dwarsoor die wêreld

Thomson maak ook gebruik van die handelsmerke General Electric (GE, onder lisensie) en ander om elektroniese verbruikersware in die Verenigde State te bemark. Die maatskappy gebruik ook die Thomson- en RCA-handelsmerke om elektroniese verbruikersware in Asië en die gebied van die Stille Oseaan te bemark.

Thomson beheer ook die patente en lisensiëring van die MP3-oudiokodek en die kleurtelevisie-standaarde PAL, NTSC en SECAM. Die maatskappy vervaardig ook 'n persoonlike video-opnemer, wat op die TiVo-tegnologie baseer.

Portefeulje[wysig]

  • Elektroniese verbruikersware
    • Scenium-reeks van HDTV- en EDTV-televisietoestelle
    • LiFE-reeks van laerprys 4:3 beeldbuis-televisietoestelle
    • Scenium-DVD-spelers, -opnemers en tuisteaterstelsels
    • Lyra-persoonlike mediaspelers
    • Digitale televisie-ontvangers en -dekodeerders (DVB-S en DVB-T/TNT)
    • Satelliet-ontvangers (afdeling oorgeneem van die Duitse maatskappy Grundig)
    • GE digitale en analoë telefone
  • Filmdienste
    • Filmbewerking
    • Na-produksie en spesiale effekte
    • VHS-, DVD- en filmrol-authoring en bemarking
    • Digitale rolprentteater- en uitsaaidienste
  • Uitsaaitoerusting en -dienste
    • Video-hardeskyf-opbemers en -bedieners
    • Digitale nuusproduksie
    • Kameras
    • Routers en kontrole-oppervlakke
    • Uitsaaigeriewe
    • Beheer van digitale mediatoerusting
    • Toerusting vir analoë en digitale radiouitsaaidienste
    • Kabelmodems

Geskiedenis[wysig]

Thomson is vernoem na die elektriese ingenieur Elihu Thomson, wat op 26 Maart 1856 in Manchester, Engeland gebore is. Op vyfjarige leeftyd verhuis hy met sy familie na Philadelphia (Verenigde State).

Saam met Edwin Houston stig hy in 1879 die Thomson-Houston Electric Company. Die onderneming smelt in 1892 met die Edison General Electric Company en staan daarna onder die naam General Electric Company bekend. Die Franse dogtermaatskappy Compagnie Française Thomson-Houston (CFTH) word in 1893 in Parys gestig. Vanuit hierdie filiaalmaatskappy ontwikkel die moderne Thomson-groep.

In 1937 stel Thomson sy eerste prototipe van 'n televisietoestel bekend.

In 1966 smelt CFTH met Hotchkiss-Brandt saam as Thomson-Houston-Hotchkiss-Brandt, 'n naam wat later verkort is tot Thomson-Brandt. Die elektroniese afdeling van Thomson-Brandt smelt in 1968 met Compagnie Générale de Télégraphie Sans Fil (CSF) saam en vorm die Thomson-CSF-groep. Thomson Brandt het byna veertig persent van hierdie maatskappy se aandele besit.

Thomson-Brandt en Thomson-CSF is in 1982 deur die Franse staatspresident François Mitterrand genasionaliseer. Thomson-Brandt word hernoem tot Thomson SA (Sociéte Anonyme) en smelt met Thomson-CSF saam.

Die staatsbeheerde Thomson-groep oorneem in 1987 RCA en GE se Elektroniese Verbruikersware-afdeling van GE.

Die Elektroniese Verbruikersware-maatskappy van Thomson is in 1988 gevorm en kry in 1995 die nuwe naam Thomson Multimedia. Voor die privatisering in 1999 het die Franse regering die maatskappy opgesplits in Thomson Multimedia (elektroniese verbruikersware) en Thomson-CSF (krygstuig). Thomson-CSF staan sedert 2000 bekend as die Thales-groep.

Net soos sy Amerikaanse eweknie het ook die Franse Thomson-groep 'n verskeidenheid elektriese en later ook elektroniese produkte vir die nywerheids-, verbruikers- en krygstuigmark vervaardig.

In 2000 koop Thomson Multimedia Technicolor van Carlton Television (in besit van Carlton Communications) in die Verenigde Koninkryk.

In 2001 oorneem Thomson Multimedia die Grass Valley-groep van 'n private eienaar.

In 2002 wysig THomson Multimedia sy naam tot Thomson.

In 2004 oorneem Thomson die Moving Picture Company van ITV. In dieselfde jaar brei Thomson se bedrywighede deur die oorname van Corinthian Television uit na die beheer van uitsaaidienste, -geriewe en -dienste en begin stig 'n gemeenskaplike onderneming, TTE, met die Sjinese matskappy TCL, wat tans alle televisie- en DVD-produkte van Thomson vervaardig en sodoende die wêreld se grootste vervaardiger van televisietoestelle geword het. TCL het op daardie tydstip die eerste Sjionese maatskappy geword wat op die internasionale mark met groot internasionale ondernemings kon meeding. Aanvanklik beheer Thomson die bemarking van TTE se produkte. Hierdie bedrywigheid is in 2005 aan TTE oorgedra.

Die Indiese Videocon-groep kondig in Junie 2005 aan dat hy die televisie-beeldbuise-afdeling van Thomson sal oorneem. In Desember 2005 koop Thomson die uitsaai- en multimedia-afdeling van Thales terug. Die maatskappy het ook sy voorneme aangekondig om sy oudio/video- en toebehore-bedrywighede (insluitende alle elektroniese verbruikersware, wat onder die handelsmerke RCA en Thomson bemark word, met uitsondering van TTE se televisie-bedrywighede) moontlik gaan verkoop. Thomson sal hom damn beperk op kommunikasieprodukte soos draadlose telefone.

Eksterne skakels[wysig]