Telekommunikasie

in Wikipedia, die vrye ensiklopedie

Telekommunikasie is die versending van seine oor 'n afstand met die doel om te kommunikeer. Vandag is hierdie proses amper eksklusief verbonde aan die versending van elektromagnetiese golwe deur elektroniese versenders, maar in die ou dae was telekommunikasie geassosieer met rookseine, tromme, ens. Vandag is telekommunikasie wyd versprei, en toestelle wat met hierdie proses gepaardgaan, byvoorbeeld televisie, radio en telefoon, is gewoon in groot dele van die wêreld. Daar bestaan ook 'n groot aantal netwerke wat hierdie toestelle met mekaar verbind, byvoorbeeld rekenaar-, publieke telefoon-, radio- en televisienetwerke. Rekenaarkommunikasie oor die Internet, soos vonkpos (epos) en kits-klets, is net een van verskeie voorbeelde. Telekommunikasiesisteme word deur telekommunikasie-ingenieurs ontwerp.