Termiese lugskip

in Wikipedia, die vrye ensiklopedie
Spring na: navigasie, soek
'n Warmlug lugskip deur Gefa-Flug vervaardig

'n Termiese lugskip is 'n lugskip wat sy stygvermoë te danke het aan 'n temperatuurverskil tussen die gas binne-in die vaartuig en die omringende lug. Dit is in teenstelling met die algemene gebruik van Helium as 'n ligter as lug gas om die stygvermoë te verkry. Die meeste termiese lugskepe vandag gebruik warm lug net soos in die geval van warmlugballonne.

Voordele en Nadele[wysig]

Termiese lugskepe het die voordeel dat hulle goedkoper is as helium-gebaseerde lugskepe. Hulle kan afgeblaas word na elke vlug en maklik verpak en vervoer word.

Warmlugvaartuie se stygvermoë is egter laer per eenheidsvolume as helium- of waterstofgevulde vaartuie (ongeveer 30%) afhangende van die atmosferiese toestande). Dit maak ligter boumetodes noodsaaklik met minder beheerelemente wat die hantering van sulke vaartuie moeiliker maak en lei tot:

  • Laer snelhede
  • Moeilike hantering op die grond as die windsnelheid 5 knope oorskry.
  • Trae stuurkenmerke veral teen lae snelhede.
  • Gebrekkige beheer oor die horisontale oriëntasie van die vaartuig.