Tervuren

in Wikipedia, die vrye ensiklopedie
Spring na: navigasie, soek
Tervuren
Palais des Colonies
Palais des Colonies
Vlag van Tervuren
Vlag
Wapen van Tervuren
Wapen
Ligging van Tervuren in die provinsie Vlaams-Brabant
Ligging van Tervuren in die provinsie Vlaams-Brabant
Koördinate: 50°49′00″N 4°31′00″O
Land Vlag van België België
Gewes (deelstaat) Flag of Flanders.svg Vlaandere
Provinsie Flemish Brabant Flag.png Vlaams-Brabant
Regering
 - Burgemeester Bruno Eulaerts (GT-Open VLD)
Oppervlak
 - Munisipaliteit 32,92 km²  (12,7 vk m)
Bevolking (1 Januarie 2011)
 - Munisipaliteit 21 214
 - Digtheid 644/km² (1 668/myl2)
Poskode 3080
Skakelkode(s) 02
Webwerf: www.tervuren.be

Tervuren (ou spelling: Tervueren) is 'n munisipaliteit in die Nederlandstalige Belgiese provinsie Vlaams-Brabant met 'n oppervlak van 32,92 vierkante kilometer en sowat 21 000 inwoners (2011). Tervuren is een van die welvarendste plekke in België. Die Tervurenlaan, wat die stad met Brussel verbind, is in opdrag van koning Leopold II ter geleentheid van die wêreldtentoonstelling van die jaar 1897 gebou.

Geskiedenis[wysig]

Mense het Tervuren eeue lank as die historiese stad "Fura" beskou, waar die heilige Hubertus in 727 oorlede is. Daar is egter geen historiese bewyse wat hierdie stelling steun nie.

'n Dokument, wat uit die jaar 1213 dateer, verwys na die eerste versterking, wat deur Hendrik I, hertog van Brabant, opgerig is. Hierdie gebou, wat oorspronklik van hout opgerig is, word later tot die kasteel van Tervuren uitgebou. In die 14de en 15de eeu is dit die residensie van die Brabantse hertoë. Die kasteel is in 1782 verniel.

Die tremlyn 44, wat Brussel met Tervuren verbind, en die Koninklike Museum vir Sentraal-Afrika het albei danksy die inisiatief van koning Leopold II tot stand gekom. Dit was veral daarop gemik om besoekers van die Brusselse wêreldtentoonstelling van 1897 na Tervuren te lok, waar 'n uitstalling oor die Belgiese kolonie Kongo aangebied is.

Kultuur[wysig]

Die Koninklike Museum vir Sentraal-Afrika, soos gesien vanuit die park agter die museum

Die Koninklike Museum vir Sentraal-Afrika is 'n etnografiese en natuurhistoriese instelling, wat hom op die vroeëre Belgiese kolonie Kongo toespits. Sy invloedsfeer sluit egter die hele Kongobekken, Sentraal-, Oos- en Wes-Afrika in, veral ten opsigte van biologiese navorsing, en behandel Afrika in sy geheel.

Dit fungeer aanvanklik as 'n koloniale museum, tog fokusseer dit sedert 1960 meer op etnografie en antropologie. Soos in die meeste museums bestaan daar 'n navorsingsafdeling en 'n afdeling met 'n uitstalling, wat oop staan vir die publiek. Die navorsingswerk word nie slegs ten opsigte van Afrika uitgevoer nie, maar sluit ook onderwerpe soos die argeosoölogie van Sagalassos (Suidwes-Turkye) in. 'n Aantal navorsers werk baie nou saam met die Koninklike Belgiese Instituut vir Natuurwetenskappe.

Die openbare biblioteek van Tervuren beskik oor meer as 43 000 gedrukte dokumente. Volgens die gewestelike Vlaamse taalwette moet ten minste 75 persent van die biblioteek se boeke in Nederlands geskrywe wees, alhoewel byna vyftig persent van Tervuren se inwoners 'n ander huistaal as Nederlands het.

Eksterne skakels[wysig]

Commons-logo.svg
Wikimedia Commons het meer media verwant aan:
Tervuren (kategorie)