Teutone

in Wikipedia, die vrye ensiklopedie
Spring na: navigasie, soek
Die migrasies van die Teutone en die Cimbri
Battle icon gladii red.svg Cimbri en Teutoonse neerlae
Battle icon gladii green.svg Cimbri en Teutoonse seges
"Die Teutoonse vroue verdedig die Wafort", (1882) deur Heinrich Leutemann.
Die Romeinse Ryk onder Hadrianus (regeer 117-138 n.C.), met die ligging van die Teutones Germaanse stam aangedui, in hul oorspronklike tuiste in die noorde van die Jutland-skiereiland

Die Teutone of Teutones (van Proto-Germaans *Þeudanōz) is vermeld as ‘n Germaanse stam deur Griekse en Romeinse outeurs, veral Strabo en Marcus Velleius Paterculus en dan meestal in noue verband met die Cimbri, waarvan die etnisiteit, hetsy Gallies of Germani, bestrede is. Volgens Ptolemaios se kaart, het hulle in Jutland gewoon, in ooreenstemming met Pomponius Mela, wat hulle in Skandinawië (Codanonia) geplaas het.[1] Sekere geleerdes het voorgestel dat hulle hul naam verleen het aan die streek Thy (Ou Noors: Thiuthæ sysæl) in noordelike Denemarke.

Reeds voor 100 v.C. het vele Teutones, soos ook die Cimbri, suid- en weswaarts migreer na die Donauvallei, waar hulle met die uitbreidende Romeinse Republiek in aanraking gekom het. Tydens die laat 2de eeu v.C., het die Teutones en Cimbri volgens verslae weswaarts deur Gallië getrek, en Romeinse Italië aangeval. Na beslissende seges oor die Romeine by Noreia en Arausio, het die Cimbri en Teutones van mekaar geskei, waarna hulle om die beurt deur Gaius Marius in 102 v.C. en 101 v.C. verslaan is, waardeur die Cimbriese oorlog voltrek is. Die Teutone het hul neerlaag gely by die Slag van Aquae Sextiae, naby die hedendaagse Aix-en-Provence, en hul koning, Teutobod, is in boeie geslaan.

Die term Teutoons is soms gebruik as ‘n omvattende verwysing na die Germaanse volke.

Massaselfmoord van Teutoonse vroue in die aangesig van slawerny[wysig]

Tydens die laat 2de eeu v.C., het die Teutone volgens verslae ‘n suidwaartse trektog onderneem deur Gallië, tesame met hul bure, die Cimbri, en Romeinse Italië aangeval. Na verskeie seges vir die invallende magte, is die Cimbri en Teutone verslaan deur Gaius Marius in 102 v.C. by die Slag van Aquae Sextiae naby hedendaagse Aix-en-Provence, en hul koning, Teutobod, is gevange geneem. Die gevange vroue het ‘n massaselfmoord uitgevoer, wat in Romeinse legendes as Germaanse heroisme opgeneem is: volgens die voorwaardes van die oorgawe sou driehonderd van hul getroude vroue aan die Romeine oorgelewer word. Toe die Teutoonse gades van hierdie bepaling verneem, het hulle eers die konsul gesmeek om afgesonder te word vir diens in die tempels van Ceres en Venus. Toe hulle versoek egter misluk en hulle deur die liktore weggeneem is, het hulle eers hul kinders om die lewe gebring, en is hulle die volgende dag almal dood aangetref in mekaar se arms, nadat hulle mekaar in die nag verwurg het.[2]

Notas[wysig]

  1. Northvegr - Saga-boek, bande 7 en 8
  2. Lucius Annaeus Florus, Epitoom 1.38.16-17 en Valerius Maximus, Factorum et Dictorum Memorabilium 6.1 ext.3

Bron[wysig]

  • Fick, August, Alf Torp en Hjalmar Falk: Vergleichendes Wörterbuch der Indogermanischen Sprachen. Deel 3, Wortschatz der Germanischen Spracheinheit. 4de oplaag (Göttingen: Vandenhoeck en Ruprecht), 1909.