The Guardian

in Wikipedia, die vrye ensiklopedie
Spring na: navigasie, soek
The Guardian se hoofkantoor in Londen.

The Guardian is 'n Britse koerant wat daagliks, met die uitsondering van Sondae, gepubliseer word. Die Sondag-uitgawe staan as die The Observer bekend.

Die dagblad word deur die Guardian Media Group gepubliseer wat aan die Scott Trust behoort. Hulle het 'n daaglikse sirkulasie van ongeveer 378 000 eksemplare (November 2005).

Geskiedenis[wysig]

Die koerant is in 1821 deur tekstiel-verkopers en handelaars in Manchester gestig as The Manchester Guardian. In 1959 word "Manchester" van die titel verwyder en in 1964 skuif hulle kantore na Londen.

Die koerant is as 'n orgaan van die middelklas beskou[1], of soos deur C.P. Scott se seun Ted gestel: "'n koerant wat tot die einde bourgeoisies sal bly"[2]. "Ek skryf vir die Guardian," sê Sir Max Hastings in 2005,[3] "omdat dit deur die nuwe establishment gelees word", 'n aanduiding van die koerant se groeiende invloed.

The Observer[wysig]

Die sondagkoerant The Observer behoort sedert 1993 aan die Guardian Media Group. Ongeag die naam, is die koerant soortgelyk aan die The Guardian, maar word slegs op Sondae gepubliseer.

Politieke oriëntasie[wysig]

Mense wat die koerante lees het gewoonlik 'n links-liberale politiese oriëntasie. Volgens 'n stemming in 2004 stem 44% van die lesers vir die arbeidersparty en 37% vir die Liberaal-Demokrate. Dit is ook deur Amerikaanse konserwatiewes as links-georiënteerd (left-wing) beskryf[4][5].

Die koerant het Tony Blair ondersteun toe hy die arbeidersparty wou lei (Guardian leader, 2 Julie 1994), en om Eerste Minister te word (Guardian leader, 2 Mei 1997).

Verwysings[wysig]

  1. Friedrich Engels, The Condition of the Working Class in England, Progress, 1973, p 109
  2. Ayerst, The Guardian, 1971, p.471
  3. New Statesman 21 Feb. 2005
  4. http://thebrowser.blogs.fortune.cnn.com/
  5. http://goliath.ecnext.com/coms2/gi_0199-4730959/The-Guardian-Britain-s-leading.html

Eksterne skakels[wysig]