Theotokos

in Wikipedia, die vrye ensiklopedie
Spring na: navigasie, soek
Mosaïek van Maria as theotokos in die Chora-kerk in Istanboel.

Theotokos (Grieks: Θεοτόκος, theotókos, letterlik God-baarder) is 'n Griekse titel vir Maria, die moeder van Jesus, waarin erkenning daaraan gegee word dat sy die moeder van Jesus die God-mens is en nie net van Jesus die mens nie. Die term word veral in die Oosterse Christendom gebruik.

Nestorius, die patriarg van Konstantinopel, het verkondig dat Maria slegs Christus die mens gebaar het. Die Konsilie van Efese in 431 n.C. het besluit dat die titel "Theotokos" Maria wel toekom omdat Jesus se goddelike en menslike natuur nie geskei kan word nie.

Die moederskap van Maria word in die Rooms-Katolieke Kerk op 1 Januarie gevier op die hoogfees van die Plegtigheid van Maria, Moeder van God.