Thomas Martin Lowry

in Wikipedia, die vrye ensiklopedie
Spring na: navigasie, soek
Martin Lowry.

(Thomas) Martin Lowry (* 26 Oktober 1874, Low Moor, Bradford, Wes-Yorkshire Engeland - † 2 November 1936 Cambridge) was 'n Engelse skeikundige.

Hy het skeikunde gestudeer onder Henry Armstrong, 'n Engelse skeikundige wat veral in die organiese chemie belang gestel het, maar ook in die aard van ione in waterige oplossings. In 1898 het Lowry Armstrong se assistent geword. In 1898 het hy die verandering van die optiese rotasie van nitro-d-kamfer met die tyd waargeneem en daaraan die naam mutasioneel verleen. In 1906 het hy lektor in skeikunde geword by die Westminster Training College. In 1912 gaan hy na Guy's Hospital Medical School en word in 1913 die skeikude-afdeling se direkteur en die eerste skeikundeprofessor in enige mediese skool in Londen. In 1920 word hy die eerste bekleër van 'n leerstoel in fisiese chemie van die Universiteit van Cambridge.

Hy bestudeer die optiese rotasie veroorsaak deur die suur- en basis-gekataliseerde reaksies van kamfer-derivate. Hierdie werk resulteer in 'n definisie van wat 'n suur en 'n basis is wat gebaseer is op die uitwisseling van 'n proton. Hy werk onafhanklik van die Deense navorser Johannes Nicolaus Brønsted wat 'n amper identiese definisie publiseer in dieselfde jaar (1913). Vandag word hul werk dikwels die Brønsted-Lowry-teorie genoem.