Thozamile Taki

in Wikipedia, die vrye ensiklopedie
Thozamile Taki
Gebore  1971
Land  Suid-Afrika
Bynaam  Suikerriet-reeksmoordenaar
Misdaad  Reeks moorde, gewapende roof
Misdaadbesonderhede
Plek Umzinto, Port St. Johns
Slagoffers  13 vroue
Metode  Verwurg, doodgeslaan
Motief  Gewapende roof
Vonnisbesonderhede
Vonnisdatum  19 Januarie 2011
Vonnis  13 x lewenslange tronkstraf
plus 208 jaar

Thozamile Taki (geb. 1971), ook bekend as die Suikerriet-reeksmoordenaar,[1] is ’n Suid-Afrikaanse reeksmoordenaar wat 13 vroue tussen 18 en 25 jaar oud vermoor en hul lyke in suikerrietplantasies gelos het.[2] Hy is op 19 Januarie 2011 gevonnis tot 13 keer lewenslange tronkstraf vir die moorde plus 208 jaar, 16 jaar vir elk van die aanklagte van gewapende roof.[1][3]

Moorde en vonnis[wysig | wysig bron]

Taki het sy slagoffers gelok met praatjies van werkgeleenthede by groot maatskappye.[1] Dan het hy hulle beroof, vasgebind en verwurg of doodgeslaan. Hy het 10 van sy slagoffers in die suikerplantasies van die dorp Umzinto vermoor en 3 in die teeplantasies van Port St. Johns. Liggaamsdele van sommige slagoffers is glo aan ’n plaaslike sangoma verskaf.[4]

Taki is tydens sy verhoor in die Westville-gevangenis aangehou. Op 21 Februarie 2010 het hy en nog agt gevangenes uit die tronk probeer ontsnap. Hy het van die dak van sy sel op die vierde verdieping geval en is ernstig beseer. Die ander agt het ontsnap. Sy verhoor is uitgestel tot nadat hy herstel het.[5]

Op 2 Maart 2010 het hy in ’n rolstoel in die hof verskyn en gevra dat sy meisie, Hlengiwe Nene, wat aanvankliklik saam met hom tereggestaan het,[1] borgtog kry. Die saak is tot 30 April uitgestel. Op 23 Desember van dié jaar is Taki skuldig bevind op al die aanklagte teen hom.[6] Hy het gelag vir die trane van sy oorlewende slagoffers en die regter het hom as ’n "slinkse, wrede en gevoellose mens" beskryf.[1] Hy is op 19 Januarie 2011 gevonnis tot 13 keer lewenslange tronkstraf vir die moorde plus 208 jaar vir gewapende roof.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 1,4 Hy hoort res van sy lewe in tronk, sê regter, Beeld, 20 Januarie 2011. URL besoek op 5 November 2014
  2. "News 24 : Sugarcane killer : Release her". Geargiveer vanaf die oorspronklike op 20 September 2012. Besoek op 5 November 2014.
  3. "Sugarcane killer gets 533 years in jail" (in Engels). News24.com. 11 Januarie 2011. Geargiveer vanaf die oorspronklike op 30 Maart 2019. Besoek op 11 Januarie 2011.
  4. "Body used for muti, court told" (in Engels). News24.com. 18 Februarie 2010. Geargiveer vanaf die oorspronklike op 3 Oktober 2018.
  5. "Sugarcane Suspect tries to flee" (in Engels). News24.com. 21 Februarie 2010. Geargiveer vanaf die oorspronklike op 3 Oktober 2018.
  6. "Sugarcane Suspect in hospital" (in Engels). News24.com. 22 Februarie 2010. Geargiveer vanaf die oorspronklike op 3 Oktober 2018.