Tienie Holloway-medalje vir Kleuterliteratuur
in Wikipedia, die vrye ensiklopedie
Die Tienie Hollowaymedalje vir Kleuterliteratuur is 'n letterkundige toekenning deur die Suid-Afrikaanse Akademie vir Wetenskap en Kuns. Dit is in 1969 ingestel, nadat dr. J.E. Holloway 'n skenking hiervoor gemaak het, ter nagedagtenis aan sy eggenote, Tienie Holloway, 'n bekende skrywer van kleuterverse in Afrikaans. Die frekwensie van die toekenning -- in die vorm van 'n goue medalje -- het eers geen vaste patroon gehad nie, maar was toegeken aan 'n skrywer met die beste werk van bevredigende gehalte in die genre kleuterliteratuur (kinders onder agt jaar). Vanaf 1976 word die medalje elke drie jaar toegeken.
Lys van wenners [wysig]
- 1970 - M.E.R. (Karlien en Kandas)
- 1971 - Pieter W. Grobbelaar (vir al sy kleuterboeke)
- 1973 - Freda Linde (Jos en die bok)
- 1976 - Hester Heese (al haar kleuterboeke)
- 1979 - Tienie Holloway (postuum) (Rympies van Tienie Holloway en Versies van Tienie Holloway)
- 1982 - Hester Heese (Sy wat die soen op haar voorkop dra)
- 1985 - Freda Linde (Die Keiserkroon)
- 1988 - Rona Rupert (Nou wil almal sien)
- 1991 - Corlia Fourie (Die meisie wat soos 'n bottervoël sing)
- 1994 - Elizabeth van der Merwe (Kaljander van die Karoo)
- 1997 - Marita van der Vyver en Piet Grobler (Olinosters op die dak)
- 2000 - Verna Vels (Liewe Heksie en die rekenaar en ander nuwe Liewe Heksie-stories)
- 2003 - Martie Preller (Babalela en Lisa het 'n plan)
Bron [wysig]
- Verwerk vanaf akademie.co.za.
