Timothy Treadwell

in Wikipedia, die vrye ensiklopedie
Spring na: navigasie, soek
Timothy Treadwell
Geboortenaam Timothy Dexter
Gebore 29 April 1957
Long Island, New York, VSA
Oorlede 5 Oktober 2003
Katmai Nasionale Park, Alaska, VSA
Nasionaliteit V.S.A.
Bekend vir Eko-vegter

Timothy Treadwell - gebore Dexter (* 29 April 1957 op Long Island, New York, VSA; † 5 Oktober 2003 in die Nasionale Katmai-park, Alaska, VSA) was 'n radikale Amerikaanse dierebeskermer ("eco-warrior") en rolprentmaker wat sy lewe en werk aan Alaskaanse grizzly-bere gewy het.

Toe hy mondig geword het, het hy sy van (Dexter) verander na Treadwell. Hy het altesaam 13 somerseisoene lank te midde van Alaskaanse bere gelewe. Gedurende 2003 bly hy saam sy vriendin, Amie Huguenard, in die wildernis van Alaska. Hier het hulle beide hulle dood ontmoet.

Bekendheid en film[wysig]

Timothy het aandag begin trek toe hy saam bere begin lewe het. Dit het uitgeloop op enkele optredes op TV in Amerika; as gas is hy ontvang by David Letterman, Discovery Channel en Dateline NBC. Hy skryf ook 'n boek in samewerking met Jewel Palovak: Among Grizzlies: Living with bears in Alaska. Hy het ook by skole vir kinders voorligting gegee oor bere. Na Timothy se dood maak 'n bekende dokumentêre filmmaker, Werner Herzog, 'n film oor sy lewe: Grizzly man. In die film wys hy die toewyding van Timothy se werk met die bere; daar is ook enkele ontluisterende opnames van Timothy te sien, waarin hy te kere gaan met sy vermeende vyande, soos parkopsigters.

Kritiek op Timothy[wysig]

  • Timothy was baie goed vir die bere. Hy het opregte liefde vir diere gekoester. Maar sy optrede was nie sonder kritiek nie. Dit blyk, dat hy die bere nie meer as diere gesien het nie. Hy het 'n verbond tussen homself en die bere gestel: hy gee vir die bere liefde en beskerming en die bere aanvaar en volg hom as hulle liefdevolle vriend.
  • Bere kan groot bokke doodmaak en by geleentheid maak mekaar ook dood; hulle sien mense ook as prooi. Tog het Timothy 13 jaar lank sonder enige moeilikheid tussen die bere gelewe. Stellig het die bere gevoel, dat 'hierdie prooi' bietjie snaaks en ongewoon is en daarom laat hulle Timothy met rus. Maar hierdie 'beskerming' ten gunste van Timothy is dun en kwesbaar . Daar sou op 'n dag 'n beer kan kom met 'n agressievere karakter, met tandpyn of wat nie vir 2 weke het geëet nie of wat ens., in daardie geval sou die dun 'beskerming' weggeval het.
  • Keer op keer het Timothy die onsigbaar grens tussen mens en dier verontagsaam. In die fliek Grizzly man sien mens, dat hy saam 'n beer swem; die afstand tussen hom en die beer is minder as 1 meter. Dit is 'n lewensgevaarlike situasie.
  • Dit is beter vir bere se veiligheid en beskerming, as hulle nie aan mense gewoon raak nie. Mense is immers vyande van bere. Daar is natuurwagters wat gevoel het Timothy is nie reg nie, omdat hy hierdie reël verontagsaam het. Hy het saam met die bere gelewe en sodoende het die diere aan mense gewoond geraak.

Einde en geluidopnames[wysig]

5 Oktober 2003 was alles oor. Timothy was saam met sy vriendin, Amie Huguenard, in die wildernis van Alaska, toe hy deur 'n groot mannetjies-beer aangeval is. Die dier het hom aan sy kop gebyt; Amie hardloop na Timothy om hulp te verleen, maar Timothy skree op haar dat sy moet weg vlug. Die doodstryd het enkele minute geduur; Timothy èn Amie is dood gebyt en opgevreet deur die beer. Omdat Timothy sy kamera gedraai het, is die geluide van hulle doodstryd vasgelê. Werner Herzog het na die laaste geluidopname van die laaste oomblikke geluister. Werner het uitdruklik geweier om die geluidopname in sy film Grizzly man te gebruik.

Verlossers-thema[wysig]

Die tragedie rond Timothy se dood laat mens dink aan die verlossers-tema. Timothy het homself as redder en beskermer van bere gesien. Die verlosser het sy lewe afgelê vir sy kudde; maar die kudde keer hom die rug toe en maak uiteindelik hulle redder dood.

Fliek Grizzly Man op youtube[wysig]