Timour Hall
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die landgoed en herehuis Timour Hall in Plumstead (Kaapstad) word deur die internasionale polisievereniging as 'n gastehuis gebruik.
Hierdie kleinhoewe aan die Dieprivier is in 1784 aan Johan George Lochner van Mannheim (Duitsland) toegeken. Hy is die stamvader van die Lochner-familie in Suid-Afrika. In 1878 was Aletta Jacoba Smith, 'n kleindogter van William Duckitt, die eienaar en sy het die huidige naam aan die eiendom gegee. 'n Groot deel van die grond aan weerskante van die oorspronklike oprylaan in die rigting van die hoofweg en langs die huidige Timour Hall-weg het stadsuitbreiding ten prooi geval. Die huis is in die Victoriaanse styl met 'n Kaaps-Hollandse gewel. Voor is 'n groot stoep en agter verskeie buitegeboue. Weens die besondere argitektuur is hierdie eiendom van die Wes-Kaapse regering tot gedenkwaardigheid verklaar.
Bibliografie[wysig | wysig bron]
- Fransen, Hans: A guide to the old buildings of the Cape – a survey of extant architecture from before c1910 in the area of Cape Town, Calvinia, Colesberg and Uitenhage. Kaapstad: Jonathan Ball, 2004. ISBN 1-86842-191-0