Tokyo Sexwale

in Wikipedia, die vrye ensiklopedie
Spring na: navigasie, soek
Tokyo Sexwale
Tokyo Sexwale

Tokyo Sexwale tydens die Wêreld Ekonomiese Forum


Minister vir Menslike Nedersettings
Ampstermyn
10 Mei 2009 – 9 Julie 2013
President Jacob Zuma
Voorafgegaan deur Lindiwe Sisulu
Opgevolg deur Connie September

1ste Eerste Minister van Gauteng
Ampstermyn
7 Mei 1994 – 19 Januarie 1998
Opgevolg deur Mathole Motshekga
Ampstermyn
7 Mei 1994 – 19 Januarie 1998
President {{{president5}}}

Persoonlike besonderhede
Geboorte 5 Maart 1953
Transvaal
Politieke party African National Congress

Mosima Gabriel Sexwale (5 Maart 1953), beter bekend as Tokyo Sexwale, is die Suid-Afrikaanse minister vir menslike nedersettings, sakeman en voormalige anti-apartheid-aktivis en politieke gevangene. Hy is ’n charismatiese leier en was ’n gevangene op Robbeneiland saam met mense soos Nelson Mandela vir sy anti-apartheid-bedrywighede. Ná die eerste demokratiese verkiesing in Suid-Afrika in 1994 word Sexwale die eerste premier van die Gauteng-provinsie. Hy tree in 1998 uit die politiek en het ’n gerekende sakeleier geword. In 2009 word hy aangestel as minister vir menslike nedersettings. Hy is getroud met Judy Moon en het twee kinders, Gabrielle en Chris.

Vroeë lewe[wysig]

Sexwale is in die township Orlando-Wes in Soweto gebore. In 1973 matrikuleer hy aan die Hoërskool Orlando-Wes. In die laat sestigerjare word hy lid van Steve Biko se Swartbewussynsbeweging en leier van die radikale Suid-Afrikaanse Studentebeweging. In die vroeë sewentigerjare sluit hy aan by die ANC se militêre vleuel, Umkhonto we Sizwe ("Spies van die Volk"). Terwyl in Swaziland, behaal hy ’n diploma in bedryfsleer aan die Universiteit van Botswana, Lesotho en Swaziland. In 1975 verlaat Sexwale die land en doen ’n militêre offisierskursus in die Sowjetunie, waar hy in militêre ingenieurswese spesialiseer.

Gevangenskap[wysig]

Toe hy in 1976 na Suid-Afrika terugkeer, word Sexwale in hegtenis geneem ná ’n skermutseling met die Suid-Afrikaanse Veiligheidsmag en word hy saam met elf ander aangekla en later skuldig bevind aan terrorisme en sameswering om die regering omver te werp. In 1977 word hy vir agttien jaar na Robbeneiland gestuur. Daar studeer hy vir ’n B.Com.-graad aan Unisa. Hy word in Junie 1990 vrygelaat ná dertien jaar in die tronk.

Politieke loopbaan[wysig]

Ná die Suid-Afrikaanse verkiesing in April 1994 word Sexwale verkies tot eerste premier van die nuwe PWV-provinsie (wat in 1994 na Gauteng hernoem is). Hy bewerkstellig vrede in verskeie polities plofbare swartwoongebiede. In 1998 verlaat hy die politiek vir die korporatiewe sektor.

Van 2007 af het die media begin gis dat Sexwale sal staan as ANC-leier en dus vir die amp van president voor die algemene verkiesing van 2009. Hy het al erken dat "verskeie mense” hom probeer oorhaal om hom as ANC-leier beskikbaar te stel.

Op 10 Mei 2009 het president Jacob Zuma hom aangestel as minister vir menslike nedersetings.

Eksterne skakels[wysig]