Toni Frissell

in Wikipedia, die vrye ensiklopedie
Toni Frissell
"Ek sal eerder met 'n kamera bekruip, as met 'n geweer" c. 1935.
Gebore
Antoinette Frissell

(1907-03-10)10 Maart 1907
Sterf17 April 1988 (op 81)
Long Island, New York
NasionaliteitVlag van Verenigde State van Amerika Verenigde State
BeroepFotograaf
EggenootFrancis M. Bacon, III

Antoinette Frissell Bacon, beter bekend as slegs Toni Frissell, was 'n Amerikaanse fotograaf, bekend vir haar modefotografie, foto's van die Tweede Wêreldoorlog en portrette van bekende Amerikaners en Europeërs en kinders en vrouens uit alle kringe van die lewe.

Voor-oorlogse loopbaan[wysig | wysig bron]

Antoinette Frissell is op 10 Maart 1907 in Manhattan gebore, maar het foto's onder die naam "Toni Frissel" geneem, selfs ná haar huwelik met die Manhattanse sosiale swierbol, Francis M. Bacon III. Sy het met baie van die destyds bekende fotograwe gewerk, as 'n vakleerling van Cecil Beaton en saam met Edward Steichen. Haar aanvanklike werk as 'n modefotograaf vir Vogue in 1931, was te danke aan Condé Montrose Nast die stigter van Condé Nast Publications (die eienaar van o.a. Vogue en Vanity Fair). Sy het later foto's geneem vir Harper's Bazaar. Haar mode foto's, selfs die van aandrokke ens., was dikwels buitemuurs afgeneem, om die klem te lê op aktiewe vroue.

Tweede Wêreldoorlog[wysig | wysig bron]

In 1941 het Frissell as vrywillige fotograaf by die Amerikaanse Rooi Kruis aangesluit. Sy het later vir die Amerikaanse Agtste Lugmag gewerk en het die amptelike fotograaf van die Vroue Korps geword. Sy het om hulle ontwil foto's geneem van verpleegsters, fronttroepe, swart vlieëniers en weeskinders. Sy het twee keer na die Europese front gereis tydens die oorlog. Haar foto's van militêre vrouens en swart vegvlieëniers in die elite 332de Veggroep (die Tuskegee Airmen) was bedoel om publieke ondersteun vir vrouens en swart mense in militêre diens aan te moedig.

Na die oorlog[wysig | wysig bron]

'n Vrou onderwater in die Weeki Wachee-waterbron in Florida (1947), geneem vir Harper's Bazaar; later ook gebruik in Sport's Illustrated (1955).

In die 1950's het Frissel informele portrette van bekendes en invloedrykes in die Verenigde State en Europa geneem, insluitende Winston Churchill, Eleanor Roosevelt en John F. en Jacqueline Kennedy. Sy het ook vir die tydskrifte Sports Illustrated en Life gewerk. Sy het volgehou met haar belangstelling in aktiewe vroue en sport en was in 1953 die eerste vroulike fotograaf van die personeel van Sports Illustrated; sy was een van baie min vroulike sportfotograwe in die daaropvolgende dekades.

Haar latere werk het gefokus op vroue uit alle kringe van die lewe, dikwels bedoel as kommentaar oor die menslike kondisie.

Boeke[wysig | wysig bron]

Versamelde illustrasies van haar foto's:

  • A Child's Garden of Verses (1944)
  • Bermuda: The Happy Island (1946)
  • Mother Goose (1948)
  • The King Ranch, 1939-1944 (1965)

Aantekeninge[wysig | wysig bron]

  • Hierdie artikel se oorspronklike weergawe is 'n vertaling van die Engelse Wikipedia-artikel, Toni Frissell.

Eksterne skakels[wysig | wysig bron]

Biblioteek van die V.S.A. Kongres[wysig | wysig bron]

Die Amerikaanse Biblioteek van die V.S.A. Kongres het 'n groot versameling van haar foto's, maar blykbaar nie 'n lys waaruit hulle almal besoek kan word nie.