Toutrek

in Wikipedia, die vrye ensiklopedie
Spring na: navigasie, soek
Ierland tydens die Europese Kampioenskappe van 2009

Toutrek is 'n sport waar twee spanne hulle kragte teen mekaar toets deur aan verskillende punte van 'n tou teen mekaar te trek.

Die spanne bestaan gewoonlik uit agt lede elk. Die tou is met vyf linte gemerk. In die middel is 'n rooi lint wat die beginposisie aandui. Op 4 meter aan beide kante is 'n wit (of geel) lint wat die wenafstand aandui, en een meter verder 'n lint wat die posisie van die eerste spanlid aandui. Die span wat die ander vier meter ver oor die middellyn kan trek, wen die kompetisie.

Afgesien van die brute krag benodig vir toutrek, is dit in der waarheid ook 'n tegniese sport. Die samewerking of "ritme" van spanlede speel net so 'n groot rol in 'n oorwinning, indien nie meer nie, as hul fisiese krag. Hiervoor word 'n "drywer" gebruik, 'n oud-trekker wat die span se gesamentlike trekkrag harmoniseer. Hy beweeg op en af langs sy span aan die tou, en gee bevele van wanneer om te trek en wanneer om te rus (genoem "hang"). As hy sien die opponente probeer sy span wegtrek, gee hy 'n "hang"-opdrag, waarna elke lid net met sy stewels in die gras vasskop en dus beweging van die tou beperk. Wanneer die opponente se gô dan uit is, skree hy "trek" en waai ritmies met sy hoed of sakdoek vir sy span om saam te trek. Stadig maar seker word die ander span tot oorgawe gedwing deur 'n wegholtrek.

Toutrek is ook gewild tydens boeresportdae.

'n Toutrek-kompetisie

Sien ook[wysig]

Commons-logo.svg
Wikimedia Commons het meer media verwant aan:
Toutrek (kategorie)