Tupac Shakur
Tupac Amaru Shakur (16 Junie 1971 – 13 September 1996), onder sy verhoognaam bekend as 2Pac (of eenvoudig Pac) en Makaveli, was 'n Amerikaanse kletskunstenaar. Meer as 75 miljoen van Shakur se plate is al wêreldwyd verkoop,[1] wat hom een van die kommersieel suksesvolste musiekkunstenaars ter wêreld maak. Rolling Stone Magazine het hom as die 86ste Grootsste Kunstenaars van Alle Tye benoem.[2]
Nie-net was Shakur 'n topverkopende kletskunstenaar nie, want daarbenewens was hy ook akteur[3] en sosiale aktivis. Die meeste van Shakur se lirieke handel oor grootword tussen die geweld en swaarkry in die ghetto's, rassisme, probleme met die samelewing en konflikte met ander kletskunstenaars tydens die Ooskus-Weskus-hiphopwedywer. Shakur was aanvanklik 'n toergesel en agtergronddanser vir die alternatiewe hiphopgroep Digital Underground.[4][5][6]
Geweld was 'n tema nie net in sy kuns nie, maar ook in sy lewe. In November 1993 is hy van seksuele aanranding aangekla en is hy gevolglik 'n een-en-'n-half tot vier-en-'n-half jaar tronkstrafvonnis opgelê.[7] In September 1996 is Shakur in die Las Vegas metropolitaanse gebied in Nevada geskiet. Hy is na die Universiteit van Nevada se mediese sentrum geneem waar hy aan long- en hartversaking ná twee dae oorlede is.[8]
Verwysings[wysig]
- ↑ Goldman, Lea (October 29, 2007). “Top-Earning Dead Celebrities: 8. Tupac Shakur”.
- ↑ Rolling Stone Magazine: 100 Greatest Artists of All Time. Besoek op 2010-06-22.
- ↑ Growing Tupac's Legacy, 10 Years After His Death : NPR Music.
- ↑ Tupac Shakur – Thug Angel (The Life of an Outlaw).
- ↑ Tupac Shakur – hotshotdigital.com.
- ↑ Edwards, Paul, 2009, How to Rap: The Art & Science of the Hip-Hop MC, Chicago Review Press, p. 330.
- ↑ “Tupac Shakur, 25, Rap Performer Who Personified Violence, Dies”. Streetgangs.com: 1996-09-14. URL besoek op 2010-07-24.
- ↑ Tupac Shakur's death certificate details reported by Cathy Scott. Besoek op 2007-10-05.
Eksterne skakels[wysig]
- 2Pac Legacy (en)
