Turkmeens

Hierdie artikel handel toor die taal. Vir die etniese groep, sien Turkmene.

Turkmeens Түркменче, تورکمنچه, Türkmençe of түркмен дили, تورکمن تیلی, türkmen dili
Uitspraak:	[tʏɾkmɛntʃɛ] of [tʏɾkmɛn dɪlɪ]
Gepraat in:	Turkmenistan  Iran  Afghanistan  Oesbekistan  Rusland
Gebied:	Sentraal-Asië
Totale sprekers:	7,6 miljoen
Taalfamilie:	Altaïes  Turkies   Oghusies    Oos-Oghusies     Turkmeens
Skrifstelsel:	Latynse alfabet Cyrilliese alfabet Arabiese alfabet
Amptelike status
Amptelike taal in:	Turkmenistan
Gereguleer deur:	Turkmeense taalagentskap
Taalkodes
ISO 639-1:	tk
ISO 639-2:	tuk
ISO 639-3:	tuk

Turkmeens (Түркменче, تورکمنچه, Türkmençe, [tʏɾkmɛntʃɛ] of түркмен дили, تورکمن تیلی, türkmen dili, [tʏɾkmɛn dɪlɪ]) is 'n Turkiese taal wat deur sowat 7,6 miljoen mense in Turkmenistan, Iran, Afghanistan, Oesbekistan en Rusland gepraat word. Dit is die vierde mees verspreide taal van Sentraal-Asië naas Oesbekies, Kasaks en Tadjiks asook die sesde mees gesproke Turkiese taal naas Turks, Azerbeidjans, Oesbekies, Kasaks en Oeigoers. Turkmeens is die amptelike taal van die Republiek Turkmenistan en verwant aan Turks en Azerbeidjans.

Etniese kaart van Sentraal-Asië

Tot 1993 is die Cyrilliese alfabet gebruik en sedert 1993 word Turkmeens met 'n nuwe Turks-Latynse alfabet geskryf, wat vir al die Turkiese tale in Sentraal-Asië beplan is. In Afghanistan en Iran word 'n gemodifiseerde Arabiese alfabet gebruik.

Eksterne skakels

• Wikimedia Commons het meer media in die kategorie Turkmeens.

• Wikiwoordeboek het 'n inskrywing vir Turkmeens.
• (en) "Turkmen language". Encyclopædia Britannica. Besoek op 25 Januarie 2019.