Tzipi Hotovely

in Wikipedia, die vrye ensiklopedie
Spring na: navigasie, soek
Tzipi Hotovely

Tzipi Hotovely, Hebreeus: ציפי חוטובלי , (gebore 2 Desember 1978 in Rehovot) is 'n Israelse politikus van Joodse afkoms, wat aan die Likoed-party behoort. Sedert 24 Februarie 2009 is sy 'n lid van die Knesset.[1] Daarnaas skryf sy sedert 2006 rubrieke in die Maariv-koerant. Ook tree sy op op politieke diskussieprogramme op die Israelse televisie. Sedert 18 Maart 2013 is sy onderminister in die Netanyahu III-kabinet.

Hotovely het in die regte gestudeer aan die Bar-Ilan-Universiteit en die Tel Aviv-Universiteit. Verder het sy aan twee seminaries Judaïsme gestudeer. As student was sy 'n lid van die Wêreld Unie van Joodse Studente (World Union of Jewish Students) gewees en het sy 'n byeenkoms van die WUJS in Suid-Afrika bygewoon. Ook het sy 'n byeenkoms van die Wêreld Bnei Akiva, die grootste Sionistiese jeugorganisasie, in Parys bygewoon.

Sy het 'n regs-Judaïstiese oortuiging en is teen die stigting van 'n Palestynse staat.[2] Haar verkryging van 'n setel in die Knesset sien sy as goddelike voorsienigheid.[3]

Tzipi Hotovely is vrygesel en woon in Rehovot. Haar ouers kom uit Georgië.

Verwysings[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Tzipi Hotovely (kategorie)