Ugie

in Wikipedia, die vrye ensiklopedie
Ugie
Ugie is in Oos-Kaap
Ugie
Ugie
 Ugie se ligging in Oos-Kaap
Koördinate: 31°12′S 28°25′O / 31.200°S 28.417°O / -31.200; 28.417Koördinate: 31°12′S 28°25′O / 31.200°S 28.417°O / -31.200; 28.417
LandVlag van Suid-Afrika Suid-Afrika
ProvinsieOos-Kaap
DistrikJoe Gqabi
MunisipaliteitElundini
Stigting1885
Oppervlak
 • Totaal19,11 km2 (7,38 vk. myl)
Bevolking
 (2011)[1]
 • Totaal13 467
 • Digtheid705/km2 (1 830/vk. myl)
Rasverdeling (2011)
 • Wit mense2.6%
 • Indiërs/Asiërs0.3%
 • Bruin mense2.7%
 • Swart mense94.3%
 • Ander0.2%
Taal (2011)
 • Xhosa 89.3%
 • Afrikaans 4.6%
 • Engels 2.3%
 • Sotho 1.7%
 • Ander 2.1%
Poskode (strate)
5470
Poskode (posbusse)
5470
Skakelkode045

Ugie is 'n dorpie in die destydse Noordoos-Kaap aan die suidelike voet van die Drakensberg, 21 km suidwes van Maclear.

Dit het ontwikkel uit 'n sendingstasie, wat in 1863 deur die sendeling eerw. William Murray by Gatberg gestig is.[2] Hy het dit genoem na die Ugierivier in Skotland, waar hy gebore is.[2] Die dorp is in 1885 gestig en het in 1916 'n bestuursraad gekry.[2] Die dorpie is bekend om sy groot, nie-kerklike weeshuis wat in 1918 deur ds. M.T.R. Smit tot stand gebring is vanweë die verwoestende griep-epidemie van daardie tyd, om sorg te bied aan kinders wat deur die epidemie wees gelaat is. Dit is in 1987 na Port Elizabeth verskuif omdat Ugie betreklik afgeleë is.

NG gemeente[wysig | wysig bron]

Vir hoofartikel sien NG gemeente Ugie

Die gemeente van die Nederduitse Gereformeerde Kerk is op 14 Februarie 1903 van Mthatha, afgestig. Die nuwe gemeente het bestaan uit Ugie, Maclear, Tentkop, Mount Fletcher en Gubenxa. Die ledetal was maar klein en die gemeente het sy eiesoortige probleme gehad. Die paaie was ook so sleg dat huisbesoek per perd gedoen moes word.

Die eerste leraar was ds. A. Ahrbech, wat in Maart 1903 bevestig word. Hy moes egter reeds in 1905 weens swak gesondheid aftree. Die hoeksteen van die kerk is tydens die vierde leraar, ds. J.N. Vlok, se dienstydperk op 23 Julie 1910 gelê.

Ds. Vlok is opgevolg deur ds. J.J. Ackermann en hy op sy beurt deur ds. M.T.R. Smit wat eers koshuise vir arm en verwaarloosde kinders in 1918 opgerig het en daarna die Ugie-weeshuis in 1922. Een van die bekende ouddirekteure van die weeshuis is die skrywer ds. Solly Ozrovech van 1958 tot 1965. Die hoeksteen van die nuwe kerkgebou is in 1953 gelê.

Hier was in 1972 333 volwasse lidmate en met die weeshuis twee keer soveel kinders. In 1978 het die volwasse lidmate 348 getel, in 1994 210 en in 2006 123. Teen 2012 het dit ietwat toegeneem tot 137. Die gemeente kon darem nog sy eie leraar bekostig.

Sien ook[wysig | wysig bron]

Bronne[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Ugie". Sensus 2011.
  2. 2,0 2,1 2,2 Raper, P.E. (1987). "Dictionary Of Southern African Place Names". Johannesburg: Lowry Publishers. p. 442.