31 Mei

31 Mei is die 151ste dag van die jaar in die Gregoriaanse kalender (152ste in skrikkeljare). Daar volg nog 214 dae in die res van die jaar.

Gebeure

• 455 – Die inwoners van Rome vermoor die Wes-Romeinse keiser Petronius Maximus toe hy uit die stad probeer vlug wat toe onder beleg was deur die Vandale onder Geiserich.
• 1188 – Pous Clemens III sluit vrede met die senaat en die volk van Rome.
• 1223 – Tydens die slag aan die Kalka in vandag se Oekraïne oorwin die Mongole die Roetene en bondgenote die Kiptjake.
• 1307 – Tydens die slag van Lucka oorwin markgraaf I van Meißen die Romeins-Duitse koning Albrecht I.
• 1433 – Pous Eugenius IV kroon keiser Sigismund van die Heilige Romeinse Ryk.
• 1462 – Pous Pius II stel Johann van Eych, biskop van Eichstatt aan as kardinaal.
• 1492 – Die Heilige Lans word plegtig deur Pous Innocentius VIII in Rome ontvang.
• 1497 – Die gedrukte Latynse vertaling van Sebastian Brant se werk "Narrenschiff" (skip van die dwase) verskyn onder die titel Stultifera Navis. Hierdie werk versprei vinnig oor die grense en word 'n internasionale sukses.
• 1503 – Pous Alexander VI stel nog nege kardinale aan waaronder sy familielid Francisco Lloris y de Borja.
• 1523 – Pous Adrianus VI verklaar Sint Antonius van Florence en Sint Benno heilig.
• 1653 – Pous Innocentius X publiseer die bul Cum Occasione waarin die Jansenisme veroordeel word.
• 1655 – Pous Alexander VII verklaar Ferdinand III van Kastilië salig.
• 1689 – Franse troepe plunder die grafte van die Duitse konings in die dom van die stad Speyer. Nadat die grafte geplunder is word die gebou aan die brand gesteek en word dit in die brand erg beskadig.
• 1721 – Pous Innocentius XIII verklaar Jan Nepomucky salig.
• 1740 – Friedrich II, later Friedrich die Grote of Alter Fritz genoem, word koning van Pruise na die dood van sy vader Frierdrich Wilhem I.
• 1809 – Eerste Serwiese Opstand: Tydens die slag van Čegar naby die stad Niš word die Serwiese rebelle deur Osmaniese troepe oorwin.
• 1859 – Die horlosie Big Ben begin loop.
• 1899 – Pietersburg (nou Polokwane) se spoorwegverbinding na Pretoria word ingewy.
• 1899 – Die Bloemfontein-konferensie begin.
• 1900 – Tweede Vryheidsoorlog: Johannesburg oorgegee aan die Britte toe Dr Friederick Krause, die militêre kommandant van die Witwatersrand, die sleutels van die stad aan Veldmaarskalk Lord Roberts oorhandig het.
• 1902 – Tweede Vryheidsoorlog: Die oorlog kom tot 'n einde met die onderteken van die Vrede van Vereeniging.
• 1904 – Rhodes-universiteit kom deur 'n parlementswet as universiteitskollege tot stand.
• 1906 – Koning Alfons XIII van Spanje trou met Victoria Eugénie van Battenberg, die kleindogter van Koningin Victoria van Engeland. Tydens die feesvieringe vind 'n bomaanslag plaas. Die paartjie oorleef maar meer as 20 mense in hulle gevolg sterf.
• 1910 – Die Unie van Suid-Afrika word deur die samesmelting van die vier voormalige Britse kolonies Kaapkolonie, Natal, Oranjerivierkolonie en Transvaalkolonie gevorm. Herbert John Gladstone word die eerste Goewerneur-generaal en Louis Botha die eerste Eerste Minister.
• 1911 – Die Titanic word te water gelaat.
• 1916 – Eerste Wêreldoorlog: Die Slag van Jutland vind plaas. Die slag staan soms ook bekend as die Slag van Skagerrak.
• 1926 – Indië, Nieu-Seeland en Wes-Indië word volle lede van die Imperiale Krieketkonferensie (nou die Internasionale Krieketraad, IKR).
• 1928 – "Ou" Vlag van Suid-Afrika (Oranje, Blanje, Blou) word vir die eerste keer gehys en Die Stem van Suid-Afrika word vir die eerste keer in die openbaar gesing.
• 1940 – Tweede Wêreldoorlog: Die Duitsers vernietig die Chopin-monument in Warskou om die Poolse nasionale trots te knel.
• 1945 – Doodsmars van Brünn: Tydens die etniese suiwering van Sudetenland dwing die Tsjegge die oorblywende 27000 Duitsers in Brünn (oues van dae, vrouens en kinders) om na die Oostenrykse grens te marsjeer. Meer as 5000 Duitsers sterf tydens die mars.
• 1961 – Die Republiek van Suid-Afrika kom tot stand, Suid-Afrika verlaat die Britse Statebond en die geldeenheid verander van die Britse pond na die rand.
• 1961 – Die Duitse maatskappy Schering AG plaas die "Pil" (voorbehoedmiddel) op die mark in Duitsland.
• 1974 – Sirië en Israel teken 'n onttrekkingsverdrag om die Jom Kippoeroorlog te beëindig.
• 1990 – 76% van die inwoners van Karl-Marx-Stad in die herverenigde Duitsland, stem daarvoor dat die stad weer sy ou naam Chemnitz terugkry.
• 1994 – Suid-Afrika sluit weer by die Britse Statebond aan.
• 2003 – Air France staak alle Concorde-vlugte ná 'n noodlottige ramp naby die Paryse lughawe.
• 2015 – Gift Kelehe en Caroline Wöstmann wen die mans en vroue wedrenne in die Comrades onderskeidelik, die eerste keer in 23 jaar dat Suid-Afrikaners beide die wedrenne wen.

Geboortes

• 1243 – Jakob II van Mallorca, koning van Mallorca († 1311).
• 1443 – Margaret Beaufort, gravin van Richmond en Derby († 1509)
• 1469 – Emanuel I van Portugal, Portugese koning († 1529)
• 1557 – Fjodor I van Rusland, Russiese tsaar († 1598).
• 1577 – Nur Jahan, keiserin van die Mogolryk van Indië († 1645)
• 1656 – Marin Marais, Franse komponis († 1728)
• 1750 – Karl August von Hardenberg, Pruisiese staatsman en hervormer († 1822)
• 1754 – Andrea Appiani, Italiaanse skilder († 1817)
• 1773 – Ludwig Tieck, Duitse skrywer († 1853)
• 1814 – Pierre Beke, Belgiese politikus († 1875)
• 1817 – Georg Herwegh, Duitse digter († 1875)
• 1854 – Frederike van Uildriks, Nederlandse skrywer († 1919)
• 1857 – Achille Ratti (Later Pous Pius XI), die 259ste pous van die Rooms-Katolieke Kerk († 1939).
• 1862 – Michail Nesterow, Russiese kunsskilder († 1942)
• 1866 – Vladimir Rebikow, Russiese komponis en pianis († 1920)
• 1880 – Bernardina Midderigh-Bokhorst, Nederlandse kunstenaar († 1972)
• 1887 – Philip van Praag sr., Nederlandse kunstenaar († 1942)
• 1892 – Gregor Strasser, Duitse nasionaal-sosialistiese politikus († 1934)
• 1898 – Johan Brouwer, Nederlands versetstryder († 1943)
• 1905 – Florence Desmond, Amerikaanse aktrise († 1993).
• 1907 – Åke Holmberg, Sweedse skrywer en vertaler († 1991)
• 1908 – Don Ameche, Amerikaanse akteur († 1993).
• 1908 – Adolf Blaser, Switserse politikus († 1978)
• 1908 – Sigfred Johansen, Deense akteur († 1953).
• 1908 – Nils Poppe, Sweedse akteur († 2000).
• 1911 – Maurice Allais, Franse ekonoom en fisikus († 2010)
• 1913 – W.E.G. Louw, Afrikaanse digter († 1980).
• 1914 – Akira Ifukube, Japannese komponis en violis († 2006)
• 1916 – Bert Haanstra, Nederlandse regisseur († 1997)
• 1921 – Alida Valli, Italiaanse aktrise († 2006)
• 1923 – Rainier III, prins van Monaco († 2005)
• 1924 – T.T. Cloete, Afrikaanse digter en letterkundige († 2015).
• 1924 – Gisela May, Duitse aktrise en sangeres († 2016)
• 1928 – Edouard Molinaro, Franse regisseur († 2013)
• 1930 – Clint Eastwood, Amerikaanse akteur en regisseur.
• 1936 – Nolle Versyp, Vlaamse akteur en vertaler († 2006)
• 1941 – Els van Rooden, Nederlandse aktrise († 1981)
• 1942 – Willem Frijhoff, Nederlandse historikus en skrywer
• 1945 – Rainer Werner Fassbinder, Duitse vervaardiger, regisseur, akteur en toneelskrywer († 1982)
• 1945 – Laurent Gbagbo, president van Ivoorkus
• 1947 – Julien Vrebos, Belgiese regisseur
• 1949 – Tom Berenger, Amerikaanse akteur.
• 1949 – Kiepie Jaftha, Suid-Afrikaanse predikant, onderwysman en ’n gemeenskapsleier († 2021).
• 1953 – Dirk Vermiert, Vlaamse akteur
• 1962 – Sebastian Koch, Duitse akteur
• 1963 – Viktor Orbán, Hongaarse politikus
• 1965 – Brooke Shields, Amerikaanse model en aktrise
• 1969 – Tony Cetinski, Kroatiese sanger
• 1971 – Diana Damrau, Duitse operasangeres
• 1976 – Roar Ljøkelsøy, Noorse skans-springer
• 1977 – Joachim Olsen, Deense atleet en politikus
• 1980 – Edith Bosch, Nederlandse judoka
• 1981 – Marlies Schild, Oostenrykse alpynskiër
• 1982 – Fränzi Mägert-Kohli, Switserse sneeuplankryer
• 1986 – Sopho Chalvasji, Georgiese sangeres
• 1992 – Laura Ikauniece, Letse atleet

Sterftes

• 1567 – Guido de Brès (45), Walloniese teoloog
• 1594 – Tintoretto (76), Italiaanse kunsskilder
• 1620 – Willem Lodewyk van Nassau-Dillenburg (60), stadhouer van Friesland
• 1806 – Lord George Macartney, 'n goewerneur van die Kaap die Goeie Hoop van 1796 tot 1798 (* 1737).
• 1809 – Joseph Haydn, Oostenrykse komponis (* 31 Maart 1732)
• 1832 – Évariste Galois, Franse wiskundige (* 1811)
• 1875 – Eliphas Levi (65), Franse filosoof, okkultis en Vrymesselaar
• 1900 – James Loudon (75), Nederlandse koloniale bestuurder en minister
• 1920 – Hector Hodler (32), Switserse Esperantis
• 1925 – Cara-Ancha (77), Spaanse torero
• 1945 – Leonid Pasternak, Russiese postimpressionistiese skilder (* 1862).
• 1960 – Willem Elsschot, Vlaamse skrywer en digter (* 1882).
• 1968 – Preben Uglebjerg, Deense akteur (* 1931)
• 1969 – Tom Naudé, Suid-Afrikaanse politikus en waarnemende Staatspresident van Suid-Afrika (1967–1968) (* 1889).

Vakansies, vierings en waarnemingsdae

• Uniedag (1910-1960)
• Republiekdag (1961-1994)
• Internasionale Geenrookdag