Universiteit van Fort Hare
Die Universiteit van Fort Hare (UFH) was die tweede universiteit in Suid-Afrika en die eerste tersiêre instelling wat onderwys aan Afrikane verskaf het. Die Universiteit was 'n voortvloeisel van die teologiese skool wat aan die einde van die 19de eeu in hierdie gebied deur die Skotse sendeling James Stewart en sy vrou gestig is. Die Afrikaans-sprekende bevolking sou eers heelwat later hulle eie universiteit kry (naamlik die Universiteit van Stellenbosch).
Die universiteit lê aan die Tyhumerivier in Alice in die Oos-Kaap en het 'n ryk geskiedenis. Die gebied was gedurende die 19de eeu vir 'n lang tyd die oorlogsterrein in nege oorloë teen die Xhosas. Dit was eers 'n aparte Britse kolonie (British Kafraria genoem). Die Britte het stukke land aan die amaXhosa wat bereid was om aan hul kant te veg (die amamFengu) gegee. Fort Hare was self oorspronklik 'n Britse fort en 'n aantal ruïnes is nog op die kampus van die universiteit sigbaar.
Bekende alumni[wysig]
- Z.K. Mathews (1901-1968) - dosent van 1936 tot 1959
- Govan Mbeki (1910-2001) - Suid-Afrikaans politikus en vader van die voormalige president Thabo Mbeki
- Yusuf Lule (1912-1985) - interim-president van Uganda 1979
- Oliver Tambo (27 Oktober 1917 - 24 April 1993) - leier van die ANC
- Joshua Nkomo (1918 - 1 Julie 1999) - stigter van die Zimbabwe African Peoples Union (ZAPU).
- Nelson Mandela (18 Julie 1918 - ) - president van Suid-Afrika
- Julius Nyerere (19 Julie 1922 - 4 Oktober 1999) - president van Tanzanië
- Herbert Chitepo (15 Junie 1923 - 18 Maart 1975) - ZANU-leier
- Robert Sobukwe (1924 - 27 Februarie 1978) - stigter van die Pan Africanist Congress
- Robert Mugabe (21 Februarie 1924 - ) - president van Zimbabwe, student 1949-1951
- Kenneth Kaunda (28 April 1924 - ) - eerste president van Zambië
- Mangosuthu Buthelezi (27 Augustus 1928 - ) - leier van die Inkatha-Vryheidsparty
- Desmond Tutu (7 Oktober 1931 - ) - Anglikaanse aartsbiskop van Kaapstad
- Chris Hani (28 Junie 1942 - 10 April 1993) - leier van die Suid-Afrikaanse Kommunistiese Party
- Steve Biko (18 Desember 1946 - 12 September 1977) - Suid-Afrikaanse menseregteaktivis
Eksterne skakels[wysig]
Bibliografie[wysig]
- Green, Lawrence G. Green: Secret Africa. Kaapstad: Howard Timmins, 1974. ISBN 0-86978-079-4
