Van der Westhuizen

in Wikipedia, die vrye ensiklopedie
van der Westhuizen Familie
van der Westhuizen Familiewapen
van der Westhuizen Familiewapen
Stamvader Pieter Jansz van der Westhuizen
Familie Oorsprong Vlaandere
Van Stigting Suid-Afrika, Kaapstad, 1662
van der Westhuizen Familie Plaas (Kronendal)
Kronendal Plaas
Kronendal Plaas
Gestig Houtbaai 1677

Van der Westhuizen (ook geskryf as van der Westhuisen, van der Westhuysen) is ‘n algemene Wes-Germaanse Afrikaner familienaam in Suid-Afrika en Namibië. Die grootste groepering Van der Westhuizens is in Afrika, maar weens emigrasie is van der Westhuizens te vinde in Argentinië, Australië, Verenigde Koninkryk, Kanada, Nieu-Seeland en die Verenigde State van Amerika. Van der Westhuizens het kenmerkende rolle gespeel in elke fase van Suid-Afrikaanse geskiedenis, onder andere die Groot Trek, Eerste Vryheidsoorlog en die Tweede Vryheidsoorlog, asook veldslae in beide Wêreldoorloë.

Familie Geskiedenis[wysig | wysig bron]

Die oorsprong van die familienaam begin met die stamvader Pieter Jansz van der Westhuisen wat gebore is in Brugge, wat destyds nog deel gevorm het aan die Nederlandse Koninkryk. Die eerste rekord van Pieter Jansz se aankoms in die Kaap is in 1662 as 'n soldaat vir die Oos-Indiese Kompanjie waar hy sy van verander het van Westhuijsen. Later werk hy ook as 'n kneg (‘Knecht’) vir Tieleman Hendricks tot in die laat 1660’s. In 1670 word Pieter Jansz 'n Vryburger saam met Hendrik Coester en in 1673 trou hy met die Duits Suid-Afrikaner Maria Hendrickz Winkelhuisen wat die weduwee was van Hendrik Barentsz en neem ook haar drie kinders aan. Saam het hulle sewe kinders gehad (Maria, Johannes, Claas, Barent, Hendrik, Helena en Pieter). Met die dood van Maria Hendrickz Winkelhuisen in 1706 trou hy in dieselfde jaar weer met Eva Gerritsz Ligthart van Amsterdam wat die weduwee is van Jan Douwensz Mos.

Op 23 Maart 1677 het die Kaapse Beleidsraad land aan Pieter Jansz van der Westhuisen en Willem Schalck toegeken in die omgewing van Houtbaai om landbou in die omgewing te ontwikkel. Pieter Jansz van der Westhuisen stig die grootste plaas in Houtbaai genaamd Kronendal wat vooruitstrewende landbou in die Kaap ontwikkel en ontvang selfs 'n besoek van Simon van der Stel.

Die landerye van Kronendal is die oudste landerye nog steeds in gebruik in Suid-Afrika. Maria van der Westhuizen was die dogter van Pieter van der Westhuizen (Stamvader) en het groot geword op Kronendal. Maria het baie bekendheid verwerf vir haar welvaart plaaseiendomme en staan bekend as die stammoeder vir beide die Van Niekerk en Walters familie. Maria van der Westhuizen het haar destydse reuse welvaart aan haar sewe seuns nagelaat en het bestaan uit 84000 Guilders, 35 slawe , 1400 skape , 25000 wingerde en 10 plase (Mosselbank, Brakkefontein, Sandvliet, Slot van Paarl, Meerendal, De Grendel, Hoorenbos (8900 Guilders), De Tijgerberge (21600 Guilders), Drooge Vallei (15000 Guilders) en Zeekoeivallei (1209 Guilders)). Te danke aan die finansiële nalating van Maria van der Westhuizen het haar sewe seuns, wat oor die 12000 Guilders elk geerf het, 'n groot rol in die Kaapse ekonomie gespeel na haar dood in 1734.

Familie Huldeblyk[wysig | wysig bron]

Die bekende van der Westhuizen straat in die Kaap is vernoem na die van der Westhuizen familie (Ander straat name vernoem na Van der Westhuizens is te vinde in die Noord-Kaap, Wes-Kaap, Gauteng, Chatham in die Verenigde Koninkryk en in Alberta Kanada.)

Bekende Familielede[wysig | wysig bron]

  • Joost van der Westhuizen, voormalige Springbok rugbyspeler
  • Richard van der Westhuizen, musiekkunstenaar en akteur
  • Lourens Marthinus van der Westhuizen, tweede van die vyf hoofde van die Hoërskool Nassau in Mowbray, Kaapstad
  • Gerhard Stefan van der Westhuizen, entrepreneur en tegnologie innoveerder
  • Tim van der Westhuizen, baskitaar vir Die Melktert Kommissie
  • Pieter van der Westhuizen, Vriende van Afrikaans Organisasie
  • Minki van der Westhuizen, wêreldberoemde Model
  • Tim van der Westhuizen, Volksraad Verkiesing Kommissie
  • Jaco van der Westhysen, Bloubul rugbyspeler
  • Marlene van der Westhuizen, bekende Resepteboek Skrywer
  • Johann van der Westhuizen, Konstitusionele Regter vir die Hooggeregshof
  • Charlize van der Westhuizen, Suid-Afrikaanse Vroue Krieketspeler
  • Louis van der Westhuizen, Namibiese Krieketspeler
  • Yolandi van der Westhuizen, internasionale Eendag Krieketspeler
  • Izak van der Westhuizen, Cheetahs rugbyspeler
  • Pieter van der Westhuizen, bekende Stellenbosch Komponis
  • JH van der Westhuizen, Suid-Afrikaans Rugby Unie Toer
  • JC van der Westhuizen, Suid-Afrikaans Rugby Unie Toer
  • Liezl van der Westhuizen, Televisie en Radio aanbieder
  • Petrus Johannes van der Westhuizen, leier van die Afrikaner Christen Alliansie Party
  • Vincent van der Westhuizen, Fiksie Skrywer
  • Pieter van der Westhuizen, Kunstenaar
  • Gert Stephanus van der Westhuizen, Tweede wêreldoorlog held en vlieënier in die Suid-Afrikaanse Lugmag
  • Shané van der Westhuizen, Model vir Sports Illustrated
  • Peter van der Westhuizen, 2010 IAAF Binnehuis Kampioenskappe
  • Gert van der Westhuizen, Sports redigeer vir Beeld

Boere Bannelinge Gedurende Anglo-Boere Oorlog[wysig | wysig bron]

  • Jacob Willem van der Westhuizen
  • Frederik Korsten van der Westhuizen
  • Cornelius van der Westhuizen
  • Hermanus Johannes van der Westhuizen
  • Lourens Martinus van der Westhuizen (Korporaal)
  • Cornelius van der Westhuizen
  • Hermanus Daniel van der Westhuizen
  • Nicholas van der Westhuizen
  • Hermanus Petrus van der Westhuizen
  • Jan Johannes Matthys van der Westhuizen
  • Nicholas Johannes van der Westhuizen