Van Stadensrivierbrug
Die Van Stadensrivierbrug is die tweede oudste van die boogbrûe op die N2. Die brug span oor die Van Stadensrivier in die Oos-Kaap, Suid-Afrika. Die brug is tussen Jeffreysbaai en Port Elizabeth. Die brug is 350 m lank en 125 m hoog terwyl die pad oor die brug vier bane het. Die brug is in 1971 geopen. Die indiensstelling van die brug het verseker dat die ou Van Stadensrivierpas in onbruik raak en die pas het vandag hoofsaaklik toerismewaarde.
Selfmoordbrug[wysig | wysig bron]
Die brug het 'n slegte reputasie opgebou, slegs 12 dae na die opening het die eerste selfmoord hier plaasgevind. Teen Julie 2008 het 67 mense reeds by die brug afgespring en die brug het die bynaam "Brug van die Dood" gekry. Gedurende 2003 het die owerhede ses waarnemingskameras by die brug opgerig.[1]
Sien ook[wysig | wysig bron]
- Bloukransrivierbrug
- Bobbejaansrivierbrug
- Grootrivierbrug
- Groot Stormsrivierbrug
- Van Stadenskloofbrug
Verwysings[wysig | wysig bron]
- ↑ Die Suid-Afrikaanse Gids. Feite en wenke. 2009. ISBN 978-1-86919-324-9