Vanrhynsdorp

Vanrhynsdorp Van Rhynsdorp
Vanrhynsdorp
Koördinate: 31°37′0″S 18°43′0″O
Land	Suid-Afrika
Provinsie	Wes-Kaap
Distriksmunisipaliteit	Weskus
Plaaslike Munisipaliteit	Matzikama
Tydsone	SAST (UTC+2)

Vanrhynsdorp is 'n dorp is in die munisipale gebied Matzikama sowat 307 km noord van Kaapstad, 23 km oos van Vredendal en 80 km noord van Clanwilliam geleë in wat algemeen as die Noordweste bekend staan. Die dorp is op die N7 nasionale pad.

Geskiedenis

Vanrhynsdorp is in 1887 uitgelê, nadat die NG gemeente reeds in 1877 van Clanwilliam afgestig is. Dit is vernoem na Petrus Benjamin van Rhyn, die eerste parlementslid vir Namakwaland. Hy was die grootvader van 'n latere minister van ekonomie, dr. A.J.R. van Rhyn. Dit het munisipale status in 1913 verkry, maar is tans deel van die munisipaliteit Matzikama, waarvan Vredendal die hoofdorp is.

Opvoeding

Die dorp en onmiddellike omgewing beskik oor vier skole, waarvan een privaat is. Die gekombineerde Hoërskool Vanrhynsdorp het in 2008 336 leerders van graad een tot graad twaalf gehad, in 2010 370 en in 2011 392, die intermediêre Maskam Primêr het 575 leerders van graad een tot nege gehad (2011) en die laerskool Urionskraal Primêr 36 leerders van graad een tot graad ses (2011). Die Môrester Privaat Skool het in 2010 32 leerders van gr. 1 tot gr. 12 gehad en 2011 reeds 47.

Sien ook

• Lys van dorpe in Suid-Afrika