Verkleurmannetjie

in Wikipedia, die vrye ensiklopedie
Spring na: navigasie, soek
Verkleurmannetjie
Ook: Trapsuutjie
(en) Chameleon
Bradypodion pumilum
Wetenskaplike klassifikasie
Koninkryk: Animalia
Filum: Chordata
Klas: Reptilia
Orde: Squamata
Suborde: Lacertilia
Infraorde: Iguania
Familie: Chamaeleonidae
Rafinesque-Schmaltz, 1815
Verspreiding van die Verkleurmannetjie
Verspreiding van die Verkleurmannetjie
Subfamilies en Genera

Die verkleurmannetjie of trapsuutjie (Chamaeleonidae) is 'n familie van die akkedisse. Meeste verkleurmannetjies kan die kleur van hulle velle vir kamoeflering verander, of om hul gemoedstoestand aan ander verkleurmannetjies aan te dui. Die grootste spesies word tot 70 sentimeter lank.

Verkleurmannetjies het papegaai-agtige voete wat aangepas is om in bome te lewe en saggies deur takke en blare te beweeg. Hulle beweeg gewoonlik stadig met wiegende bewegings om met die ritsel van blare in die wind saam te smelt. Die oë is stereoskopies en kan onafhanklik van mekaar en in teenoorgestelde rigtings beweeg. Die stert is spesiaal gevorm om homself te anker en takkies maklik vas te kan gryp.

Hulle het lang klewerige tonge wat hulle blitsig kan uitskiet om prooi te vang. Die tong is tot twee keer so lank as die liggaam self. Hulle eet meestal insekte, maar sal ook soms kleiner akkedisse eet.

Daar bestaan omtrent 190 spesies wat in Afrika, Madagaskar, Spanje en Portugal, oor suidelike Asië en Sri Lanka voorkom. Hulle is na Hawaii, Kalifornië en Florida ingevoer, en word in warm habitats wat van reënwoude tot droë woestyne wissel aangetref.

Verkleurmannetjies word algemeen as troeteldiere aangehou.

Fotogalery[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Verkleurmannetjie (kategorie)
Wikispecies
Wikispecies het meer inligting oor: