Vermensliking

'n Vermenslikte vos.

Vermensliking (maar ook die minder gebruikte antropomorfisme) verwys na enige toekenning van menslike eienskappe (of karaktereienskappe wat aangeneem word slegs aan mense toegeskryf kan word) aan nie-menslike diere, nie-lewende dinge, verskynsels, voorwerpe of ontasbare voorstellings (soos geeste of godhede). Diere en plante asook natuurkragte soos wind, reën of die son kan as skepsels met menslike beredeneringsvermoë of spraak uitgebeeld word.

Voorbeelde

Enkele voorbeelde van vermensliking:

• Liewe Heksie met Blommie Kabouter, Matewis (die kat) en Griet (haar perd).
• Die storie van Rooikappie, waar die wolf kan praat.
• Die Drie Klein Varkies, waar die wolf en varke soos mense optree en ook gesels.
• Pinokio, 'n houtpop wat lewendig word.
• Bennie Boekwurm in Wielie-Walie wat stories lees.