Verskaffer (ekonomie)

in Wikipedia, die vrye ensiklopedie
Spring na: navigasie, soek

Verskaffers in die ekonomie is dié persone of instansies wat goedere en dienste aan ander verskaf sodat hulle hul produkte of dienste kan maak of verkoop. 'n Onderneming wat byvoorbeeld lemoensap maak, het lemoene, die toerusting om die lemoene mee uit te druk, en bottels vir die sap, nodig.

As die verskaffer die produkte nie betyds lewer nie, sal die onderneming nie sy produk gereed kan kry om weer te verkoop nie. Betroubare verskaffers is baie belangrik vir 'n sakeonderneming wat wil seker maak dat hul produk gereed sal wees wanneer die verbruiker dit nodig het. Wanneer verbruikers weet hulle kan die produk by 'n onderneming kry wanneer hulle dit nodig het, staan hierdie tipe vertroue as verbruikersvertroue bekend.

Dit is nuttig vir sakeondernemings om langtermynverhoudinge met verskaffers op te bou om ten alle tye betroubaarhijd en gehalte te verseker.