Via Baltica

in Wikipedia, die vrye ensiklopedie
Spring na: navigasie, soek
Via Baltica
Center
Padverloop
Padverloop
Lengte 670 km (Warskou-Tallinn)
Beginpunt (E67) Praag, Tsjeggië
Eindpunt (E67) Helsinki, Finland
Stede langs die pad Praag, Wrocław, Warskou, Byałystok, Kaunas, Riga, Tallinn, Helsinki
Lande Tsjeggië, Pole, Litaue, Letland, Estland, Finland

Die naam Via Baltica verwys na 'n padgedeelte van die Europese Roete 67 (kort E67), wat die Tsjeggiese hoofstad Praag met Helsinki in Finland verbind. Hierdie gedeelte is die belangrikste grootpad in die Baltiese lande wat in die Poolse hoofstad Warskou begin en oor 'n lengte van 670 kilometer tot by die Estiese hoofstad Tallinn loop. Motoriste moet die laaste gedeelte van die E67 tussen Tallinn en Helsinki per veerboot gaan.

Die Europese Roete 67 in Suid-Litaue

Die Via Baltica is grotendeels nog 'n gewone pad, alhoewel daar beplan word om dit tot 'n snelweg uit te bou. Hierdie planne was aanvanklik omstrede omdat die voorgestelde roete deur Poolse natuurbewaringsgebiede sou geloop het.

Die owerhede in die metropolitaanse gebied van Helsinki oorweeg daarnaas om 'n padtonnel onder die Oossee te bou wat die veerbootverbinding tussen Helsinki en Tallinn sou vervang.