Vlag van Amerikaans-Samoa

in Wikipedia, die vrye ensiklopedie
Spring na: navigasie, soek
Vlag van Amerikaans-Samoa
Vlag van  Amerikaans-Samoa
Verhouding 2:3
Goedgekeur 27 April 1960[1]
Ontwerp ’n Wit driehoek met rooi fraaiings wat na die vlagpaal wys op ’n blou agtergrond met ’n arend wat in sy pote ’n oorlogsknuppel en ’n vlieëwaaier vashou.

Die vlag van Amerikaans-Samoa is op 27 April 1960 amptelik in gebruik geneem. Die vlag vertoon ’n wit driehoek met rooi fraaiings wat na die vlagpaal wys op ’n blou agtergrond met ’n arend wat in sy pote ’n oorlogsknuppel en ’n vlieëwaaier vashou.

Simboliek[wysig]

Die kleure en simbole van die vlag dra kulturele, politieke en streeksbetekenis. Die rooi, wit en blou stel die kleure voor wat tradisioneel deur die Verenigde State en Samoa gebruik is.[2] Die witkoparend stel die Verenigde State voor en word op die vlag vertoon[3] ten spyte daarvan dat die voël glad nie in Amerikaans-Samoa voorkom nie.[4] In die pote van die arend is twee Samoaanse simbole wat verwys na Amerika se voogdyskap oor Amerikaans-Samoa[5] en dit roep die Grootseël van die Verenigde State in herinnering.[6] Die simbole is ’n uatogi (’n oorlogsknuppel wat die mag van die regering uitbeeld) en ’n fue (’n vlieëwaaier wat die wysheid van die tradisionele Samoaanse leiers uitbeeld).[2]

Geskiedenis[wysig]

Voordat Europeërs in die laat 18de eeu voet op die eilande gesit het, het Samoa geen vlae gebruik nie. Hulle het eers in die 1800’s begin vlae gebruik maar as gevolg van gebrekkige dokumentering is dit onseker welke vlae is gebruik.[2] Die eilande is teen die draai van die eeu deur Duitsland, die Verenigde Koninkryk en die Verenigde State opgeëis;[7] Die drie lande het die dispuut opgelos deur Samoa onder mekaar te verdeel gedurende die Samoa-verdrag in 1899.[2][8] Die gevolg hiervan was dat die Verenigde State beheer verkry het oor die westelike helfte van Samoa waar hulle op 27 April 1900 die vlag van die Verenigde State gehys het. Dit was die enigste amptelike vlag van Amerikaans-Samoa tot en met 1960.[2]

In die helfte van die 20ste eeu het die Samoane ’n meer aktiewe rol begin vervul in die plaaslike regering. Gevolglik het beraadslaging oor ’n nuwe territoriale vlag begin en die Samoane is gevra om voorstelle in te dien. Plaaslike regeringsleiers en die Verenigde State Weermaginstituut vir Heraldiek het die vlag ontwerp en die voorgestelde idees van die Samoane daarby ingewerk. Die vlag is amptelik op 27 April 1960 aanvaar, sestig jaar na die eerste vertoning van die Amerikaanse vlag op Samoa.[2]

Verwysings[wysig]

  1. (en) Amerikaans-Samoa”. Flags of the World. URL besoek op 24 Julie 2013.
  2. 2,0 2,1 2,2 2,3 2,4 2,5 Smith, Whitney "Amerikaans-Samoa, vlag van". Encyclopedia Britannica. Encyclopedia Britannica, Inc.. URL besoek op 6 Junie 2013.  Inskrywing word vereis
  3. (en) Kindersley, Dorling (3 November 2008). Volledige Vlae van die Wêreld. Dorling Kindersley Ltd., 19. Besoek op 6 Junie 2013. 
  4. (en) Swanson, Doug J., "Land van die lavalava en CNN – Hibriede kultuur ontwikkel in Amerikaans-Samoa", 9 September 1990, p. 10M. URL besoek op 6 Junie 2013. Inskrywing word vereis
  5. (en) Shaw‬, Carol P. (2004). Vlae. HarperCollins UK, 28. Besoek op 6 Junie 2013. 
  6. (en) Amerikaans-Samoa”. Die Wêreld Feiteboek. CIA. URL besoek op 6 Junie 2013.
  7. (en) Geskiedenis van Upolu”. Lonely Planet. URL besoek op 6 Junie 2013.
  8. (en) Wise, Benjamin E. (2012). William Alexander Percy: Die Merkwaardige Lewe van ’n Mississippi-planter en Seksuele Vrydenker. Universiteit van Noord-Carolina Press, 93. Besoek op 6 Junie 2013. 

Eksterne skakels[wysig]

Commons-logo.svg
Wikimedia Commons het meer media verwant aan: