Vlag van Aruba

in Wikipedia, die vrye ensiklopedie
Spring na: navigasie, soek
Vlag van Aruba
Vlag van  Aruba
Gebruik Burgerlike- en Staatsvlag Burgerlike en staatsvlag
Verhouding 2:3
Goedgekeur 18 Maart 1976[1]
Ontwerp ’n Blou agtergrond met ’n rooi vierpuntige ster in die skildhoek en twee geel bane in die onderste helfte.

Die nasionale vlag van Aruba is op 18 Maart 1976 amptelik in gebruik geneem. Die vlag vertoon ’n blou agtergrond met ’n rooi vierpuntige ster met wit fraaiings in die skildhoek en twee dun geel bane in die onderste helfte van die vlag.

Simboliek[wysig]

Die blou vlag stel die lug, die see, vrede, hoop en Aruba se toekoms en bande met sy verlede voor. Die twee geel bane verteenwoordig die beweging na ’n afsondelike status. Een verteenwoordig die "vloei van toeriste na die sonnige Aruba wat die eiland en toeriste verryk" en die ander verteenwoordig die "industrie, al die minerale (goud en fosfate ne die verlede en petroleum in die vroeë 20ste eeu)"[2]. Verder stel die geel ook nog die wangloblomme van die eiland voor.

Die ster het ’n besondere ingewikkelde simboliek. Dit is in vlagkunde redelik ongewoon om ’n vlag met vier punte te sien. Hierdie vier punte stel die vier windrigtings voor. Dit dui op sy beurt die verskillende lande aan waaruit die Arubane ontstaan het. Dit stel ook die vier hoof tale van Aruba nl. Papiaments, Spaans, Engels en Nederlands voor. Die ster stel ook die eiland self voor. Die grond is op baie plekke rooierig waar dit dan aan wit strande en die blou oseaan grens. Die rooi stel ook die bloedvergieting voor wat plaasgevind het in oorloë tesame met vroeëre Indiaanse inwoners, patriotiese liefde en Brasiliaanse hout. Wit stel ook reinheid en eerlikheid voor.

Ander vlae[wysig]

Eksterne skakels[wysig]

  • (en) Aruba by Flags of the World.

Verwysings[wysig]

  1. (en) Aruba by Flags of the World. URL besoek op 27 Oktober 2010
  2. (en) Hoe Aruba se vlag gekies is”. (html) URL besoek op 27 Oktober 2010.
Commons-logo.svg
Wikimedia Commons het meer media verwant aan:
Vlae van Aruba (kategorie)