Vlag van Burundi

Vlag van Burundi

Vlag van Burundi
Gebruik	Nasionale vlag
Verhouding	3:5
Goedgekeur	28 Maart 1967
Ontwerp	’n Wit Sint Andrieskruis verdeel die vlag in ’n rooi driehoek bo en onder en ’n groen driehoek aan die vlagpaalkant en die wapperkant. In die middel is ’n wit skyf met drie sterre.

Die nasionale vlag van Burundi is op 28 Maart 1967 amptelik in gebruik geneem. Die vlag vertoon ’n Sint Andrieskruis wat die vlag verdeel in vier driehoeke met bo en onder in rooi en links en regs (vlagpaalkant en wapperkant) in groen; in die middel van die vlag is ’n wit skyf met drie sespuntige rooi sterre met groen fraaiings.

Simboliek

Die groen simboliseer hoop, die wit simboliseer reinheid en die rooi simboliseer die bloed wat gevloei het in die stryd om onafhanklikheid. Die drie sterre in die skyf stel die drie vernaamste etniese groepe van Burundi voor: die Hutu, die Twa en die Tutsi. Die drie sterre staan ook vir die drie elemente in die nasionale leuse: eenheid, werk en vooruitgang.

Ontwerp

Tot 27 September 1982 was die verhouding van die vlag 2:3 deur amptelike regulasies.

Ander vlae

• 
  Vlag vanaf 1 Julie 1962 tot 28 November 1966
• 
  Vlag op 28 November en 29 November 1966 gebruik
• 
  Vlag vanaf 29 November 1966 tot 28 Maart 1967
• 
  Vlag vanaf 28 Maart 1967 tot 27 September 1982 (verhouding 2:3)

Eksterne skakels

• (en) Burundi by Flags of the World
• (en) "Flag of Burundi". Encyclopædia Britannica. Besoek op 14 Mei 2019.