Vlag van Gambië

in Wikipedia, die vrye ensiklopedie
Spring na: navigasie, soek
Vlag van Gambië
Vlag van  Gambië
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 18 Februarie 1965
Ontwerp ’n Horisontale driekleur met rooi, blou en groen bane met wit fraaiings om die blou baan.
Ontwerp deur Pa Louis Thomasi[1]

Die nasionale vlag van die Gambië is op 18 Februarie 1965 amptelik in gebruik geneem. Dit was met die onafhanklikheidwording van Brittanje. Die vlag vertoon ’n horisontale driekleur met bane in (van bo na onder) rooi, blou en groen met wit fraaiings om die middelste blou baan.

Simboliek[wysig]

Die vier kleure in die vlag het elkeen ’n simboliiese betekenis. Die rooi stel die son en die grasvlaktes voor, die blou stel die Gambiarivier voor wat deur Gambië vloei, die groen stel die land en die bosse voor en die wit fraaiings stel vrede voor.

Ontwerp[wysig]

Die rooi, blou en groen bane is nie ewe groot nie. Die rooi en groen bane is een-en-’n-half keer so breed as die blou baan. Die rooi en groen bane is elk een derde die hoogte van die vlag en die blou baan is 2/9. Saam met die fraaiings is die blou baan ook een derde in die hoogte. Die fraaiings is elk dus 1/18 in die hoogte van die vlag.

Konstruksietekening

Ander vlae[wysig]

Vorige vlae[wysig]

Tot onafhanklikheid in 1965 was Gambië onder Britse beheer. Tussen 1821 en 1888 het dit deel uitgemaak van Brits Wes-Afrika en is ’n vlag van die kolonie gebruik (’n blou Britse vaandel) met die koloniale embleem. In 1888 het Gambië ’n afsonderlike kolonie geword en is ’n nuwe embleem in gebruik geneem en die vlag is daarvolgens aangepas.

Die vlag het onveranderd gebly ten tyde van die Senegambiaanse konfederasie van 1982 tot 1989.

Ander vlae[wysig]

Eksterne skakels[wysig]

  • (en) Gambië by Flags of the World

Verwysings[wysig]

  1. President Jammeh stel nuwe kabinet aan”. The Gambia Statehouse News: October 23, 2006. URL besoek op 26 Mei 2008.
Commons-logo.svg
Wikimedia Commons het meer media verwant aan:
Vlae van Gambië (kategorie)


Hierdie artikel is in sy geheel of gedeeltelik vanuit die Nederlandse Wikipedia vertaal.