Vlag van Guinee

in Wikipedia, die vrye ensiklopedie
Spring na: navigasie, soek
Vlag van Guinee
Vlag van  Guinee
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 10 November 1958
Ontwerp ’n Vertikale driekleur met rooi aan die vlagpaalkant, geel in die middel en groen aan die wapperkant.

Die nasionale vlag van Guinee is op 10 November 1958 amptelik in gebruik geneem. Die vlag vertoon ’n vertikale driekleur in die kleure rooi-geel-groen (die Pan-Afrika kleure), met rooi aan die vlagpaalkant.

Simboliek[wysig]

Die vlag van Guinee is afgelei van die Franse driekleur, waarskynlik omdat Guinee vroeër ’n Franse kolonie was. Die kleure van die vlag is afkomstig van die kleure van die Rassemblent Démocratique Africain, die oorheersende beweging in die tydperk van onafhanklikheidwording.

Die kleure van die Rassemblent Démocratique Africain is afkomstig van die Ghanese vlag, wat dit weer van die Pan-Afrika beweging gekry het. Die vlag van Mali vertoon ook hierdie kleure maar in omgekeerde volgorde

Elk van die kleure het ook ’n eie simboliese betekenis wat deur die eerste president van die land, Sékou Touré toegeken is. Rooi stel die bloed voor wat gevloei het van diegene wat geveg het in die stryd teen kolonialisme en dit stel ook die arbeid wat die volk lewer voor om vooruitgang te bewerkstellig. Geel stel die Afrika-son voor, die energie wat daarvan kom en die rykdomme van die aarde. Groen is die kleur van die vegetasie van die land; hierdie kleur stel die landbou en die vooruitgang wat daaruit voorkom asook die plattelandse lewe en die solidariteit van landbou voor. Touré het ook die drie kleure aan die drie woorde van die nasionale leuse van Guinee gekoppel, nl. Travail, Justice, Solidarité, “Arbeid, Geregtigheid, Solidariteit”.[1]

Eksterne skakels[wysig]

  • (en) Guinee by Flags of the World

Verwysings[wysig]

  1. Flags of the World (2004): Guinea, URL besoek op 26 Desember 2007.
Commons-logo.svg
Wikimedia Commons het meer media verwant aan:
Vlae van Guinee (kategorie)


Hierdie artikel is in sy geheel of gedeeltelik vanuit die Nederlandse Wikipedia vertaal.