Vlag van Noord-Korea

in Wikipedia, die vrye ensiklopedie
Vlag van Noord-Korea
Vlag van Noord-Korea
Vlag van Noord-Korea
Bynaam (ko) 인공기
(af) Volksrepubliekvlag
Gebruik Nasionale vlag en vaandel Nasionale vlag en vaandel
Verhouding 1:2
Goedgekeur 8 September 1948[1]
Ontwerp Drie horisontale bane van bo na onder in blou, rooi en blou met ’n wit fraiing tussen elke baan en wit skyf met ’n rooi ster in die rooi baan
Ontwerp deur Kim Tu-bong

Die nasionale vlag van Noord-Korea is op 8 September 1948 amptelik in gebruik geneem. Die vlag vertoon drie horisontale bane van bo na onder in blou, rooi en blou met ’n wit fraiing tussen elke baan en wit skyf met ’n rooi ster in die rooi baan.

Ontwerp[wysig | wysig bron]

Die wêreld se hoogste vlagpaal [160 m (525 vt)], oor Gijeong-dong, naby Panmunjeom, Noord-Korea
Noord-Koreaanse vlae teen vlagpale

Die middelpunt van die skyf en die ster is op ’n derde na die vlagpaalkant van die vlag. Elk van die blou bane is ’n sesde van die hoogte met die fraiings ’n ses-en-dertigste.

Konstruksietekening
Konstruksietekening

Kleure[wysig | wysig bron]

Die kleurskema word hieronder gelys:

Blou Rooi Wit
RGB 2/79/162 237/28/39 255/255/255
Heksadesimaal #024fa2ff #ed1c27ff #FFFFFF
CMYK 99/51/0/36 0/88/84/7 0/0/0/0

Simboliek[wysig | wysig bron]

Die Noord-Koreaanse vlag se prominente rooi ster is ’n universele simbool van kommunisme[2] maar sedert die aanvaarding van die vlag is die kommunistiese outoriteit as die staat se leidinggewende ideologie vervang met die Marxisme-Leninisme van Juche en verwysings na kommunisme is stelselmatig uit die land se grondwet en regsdokumente verwyder.[3] Die rooi baan stel rewolusionêre tradisies voor terwyl die blou bane soewereiniteit, vrede en vriendskap voorstel. Die wit fraiings stel reinheid voor.

Die webwerf van die Koreaanse Vriendskapvereniging dui egter in teendeel aan dat die rooi ster rewolusionêre tradisies voorstel terwyl die rooi baan die patriotisme en vasberadenheid van die Koreane voorstel. Die wit fraiings stel die verenigde volk en haar kultuur voor en die blou bane stel eenheid voor.[2][4]

Trivia[wysig | wysig bron]

’n 270-kg Noord-Koreaanse vlag hang aan die wapper aan die derde hoogste vlagpaal ter wêreld, geleë in Kijŏng-dong aan die Noord-Koreaanse kant van die Militêre Afbakeningslyn binne die Koreaanse Gedemilitariseerde Sone. Die vlagpaal is 160 m hoog.

Geskiedenis[wysig | wysig bron]

Die vlag is aanvaar toe die noordelike deel van Korea ’n sosialistiese staat geword het met die ondersteuning van die Volksrepubliek China en die Sowjetunie na die herstel van onafhanklikheid in Korea in 1945. Die vlag is ontwerp deur Kim Tu-bong en het in Julie 1948 die taegukgi vervang.[5][6] Die nuwe vlag het die naam van Volksrepubliekvlag (인공기,Ingonggi) gekry.[6]

Vorige vlae[wysig | wysig bron]

Ander vlae[wysig | wysig bron]

Verwysings[wysig | wysig bron]

  1. "Noord-Korea" (in Engels). Flags of the World. Geargiveer vanaf die oorspronklike op 17 Oktober 2000. Besoek op 27 Mei 2019.
  2. 2,0 2,1 "Noord-Koreaanse Vlag" (in Engels). Geargiveer vanaf die oorspronklike op 12 Augustus 2019. Besoek op 31 Maart 2013.
  3. Petrov, Leonid (10 Desember 2009). "DPRK het skelmpies hul grondwet gewysig" (in Engels). Geargiveer vanaf die oorspronklike op 5 Junie 2020. Besoek op 18 Julie 2015.
  4. "Vlag en embleem" (in Engels). Geargiveer vanaf die oorspronklike op 21 November 2019. Besoek op 31 Maart 2013.
  5. (en) Tertitskiy, Fyodor (20 Junie 2014). "Kim Tu-bong en die vlag van die Groot Uiterstes". DailyNK. Besoek op 18 Julie 2015.
  6. 6,0 6,1 (en) Armstrong, Charles K. The North Korean Revolution, 1945–1950.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.