Vlag van Togo

in Wikipedia, die vrye ensiklopedie
Vlag van Togo
Vlag van Togo
Vlag van Togo
Gebruik Nasionale vlag en vaandel Nasionale vlag en vaandel
Verhouding 1:1.618 (500:809)
Goedgekeur 27 April 1960
Ontwerp Vyf horisontale groen en geel bane en in die skildhoek is een wit ster op ’n rooi agtergrond.
Ontwerp deur Paul Ahyi

Die nasionale vlag van Togo is op 27 April 1960 amptelik in gebruik geneem. Die vlag vertoon vyf horisontale afwisselende groen en geel bane en in die skildhoek is een vyfpuntige wit ster op ’n rooi agtergrond.

Simboliek[wysig | wysig bron]

Die kleure op die vlag van Togo is ook die Pan-Afrika kleure van groen, rooi en geel. Elke kleur stel ook iets anders voor; rooi stel die bloed voor van vegters vir Togo se onafhanklikheid, groen stel die landbou en die hoop op ’n goeie toekoms en die nuwe tydperk wat met die koms van onafhanklikheid aangebreek het, voor, geel stel nasionale eenheid voor en wit simboliseer wysheid en vrede.[1]

Die vyf bane simboliseer die verskeidenheid van die land, waain die eenheid moet lê. Daarbenewens lyk dit soos vyf vingers en staan in die hoedanigheid vir aksie: die besluitvaardigheid om alle moeilikhede te oorwin.[1] Dit kan ook die vyf streke (provinsies) van Togo (die savannahstreek, die Karastreek, die sentrale streek, die platostreek en die kusstreek) voorstel.[1][2]

Die ster verwys na die lewe, die volk en innerlike ontwikkeling. Die ster styg ook simbolies uit die bloed op, as verwysing na die vryheid en onafhanklikheid van die land en die wil om dit te behou.[1]

Die Togolese vlag lyk baie soos die vlag van Liberië, wat op sy beurt gebaseer is op die vlag van die Verenigde State.

Ontwerp[wysig | wysig bron]

Die lengte-wydteverhouding van die vlag is 1:1,618 (500:809), waartoe die goue verhouding benader word. Elke baan neem een vyfde van die wydte van die vlag in. Die skildhoek is vierkantig en elke is so lank soos die wydte (hoogte) van drie horisontale bane.

Ander vlae[wysig | wysig bron]

Soortgelyke vlae[wysig | wysig bron]

Verwysings[wysig | wysig bron]

  1. 1,0 1,1 1,2 1,3 (en) Togo by Flags of the World, URL besoek op 15 Mei 2019.
  2. (en) Greig, Charlotte. The Dictionary of Flags. Grange Books. ISBN 1-84013-758-4

Eksterne skakels[wysig | wysig bron]

  • (en) Togo by Flags of the World.
  • (en) "Flag of Togo". Encyclopædia Britannica. Besoek op 15 Mei 2019.
Hierdie artikel is in sy geheel of gedeeltelik vanuit die Nederlandse Wikipedia vertaal.