Voëlvlerk

in Wikipedia, die vrye ensiklopedie
Spring na: navigasie, soek
Voëlvlerk
Een manlike en een vroulike voorbeeld van die genera; Trogonoptera, Troides en Ornithoptera.

Spesies van bo na onder, links na regs: Trogonoptera brookiana (♂), Trogonoptera brookiana (♀), Troides dohertyi (♂), Troides dohertyi (♀), Ornithoptera aesacus (♂), Ornithoptera goliath (♀).

Wetenskaplike klassifikasie
Koninkryk: Animalia
Filum: Arthropoda
Klas: Insecta
Orde: Lepidoptera
Familie: Papilionidae
Subfamilie: Papilioninae
Tribus: Troidini
Genus: Trogonoptera
Troides
Ornithoptera

Genera & Spesies

3 Genera, 36 Spesies

Die dorsale en ventrale kante van die Reuse-voëlvlerk (mannetjie en wyfie onderskeidelik), verskil volkome, soos tipies is van soorte in die genus Ornithoptera.

Voëlvlerke is skoenlappers van die Swaelstertsubfamilie inheems aan die Indiese subkontinent en die vasteland en argipels van Suidoos-Asië en Australasië, en word gewoonlik beskou as behorende tot drie genera: Ornithoptera, Trogonoptera en Troides. Sekere outoriteite sluit bykomende genera in. Daar is nie ooreenstemming oor die presiese getal spesies nie, maar onlangse outoriteite erken tussen 30 en 40. Voëlvlerke word vernoem na hul uitstaande grootte, hoekige vlerke en voëlagtige vlug.

Onder die Voëlvlerke tel sekere van die wêreld se grootste skoenlappers, naamlik die grootste, Alexandra se voëlvlerk (Ornithoptera alexandrae); die tweedegrootste, die Reusevoëlvlerk (O. goliath); en die grootste skoenlapper inheems aan Australië, die Cairns-voëlvlerk (O. euphorion). Ander welbekende soorte is Radjah Brooke se voëlvlerk (Trogonoptera brookiana), 'n besonder aantreklike soort wat na sir James Brooke vernoem is, die eerste Wit Radjah van 19e-eeuse Sarawak.

Weens hul grootte en helder kleure, is hulle gewild onder skoenlapperversamelaars, en alle Voëlvlerke word nou gelys deur CITES,[1] waardeur internasionale handel beperk, en in die geval van O. alexandrae, totaal verbied word.

Die Sri Lankaanse voëlvlerk, Troides darsius, is die nasionale skoenlapper van Sri Lanka.

Verwysings[wysig]

  1. CITES (2010). Aanhangsels I, II en III. Weergawe van 24 Junie 2010.