Volksblad

in Wikipedia, die vrye ensiklopedie
Spring na: navigasie, soek

Volksblad is 'n Afrikaanse, Suid-Afrikaanse koerant wat in die Vrystaat en Noord-Kaap versprei word. Dit is die oudste Afrikaanstalige dagblad in die land. Sy hoofkantoor is in Bloemfontein geleë en die uitgewer is Naspers.

Hoewel die koerant, vergeleke met Die Burger en Beeld 'n beskeie sirkulasie van sowat 28 000[1] eksemplare het, is die markpenetrasie onder Afrikaanssprekendes in die ylbevolkte provinsies Noord-Kaap en Vrystaat groot.

Geskiedenis[wysig]

Die geskiedenis van Volksblad begin op 18 November 1904, toe die Nederlandse drukker Hendrik de Graaff op Potchefstroom die Nederlandse weekblad "Het Westen" stig. Die blad spits homself toe op die belange en die ontwikkeling van die Afrikanerbevolking in die voormalige Boererepublieke Oranje-Vrystaat en Transvaal, wat swaar tydens die Tweede Vryheidsoorlog (1899-1902) gely het. In Maart 1915 word die nasionalistiese blad herdoop tot Het Volksblad en in 1916 verskuif sy hoofkantoor na Bloemfontein. In 1917 verander die naam weer, na Die Volksblad, en begin die blad om in Afrikaans te skryf. In 1925 word Die Volksblad 'n dagblad.

Sedert die jare negentig begin Volksblad sy fokus verbreed om ook ander bevolkingsgroepe as sy tradisionele wit leserskorps in te sluit.

Sien ook[wysig]

Verwysings[wysig]

Eksterne skakels[wysig]

Bronne[wysig]