Voornaamwoord
vanuit Wikipedia, die vrye ensiklopedie.
'n Voornaamwoord is 'n plekhouer of plaasvervanger vir 'n selfstandige naamwoord. In Afrikaans is daar verskillende voornaamwoorde.
Inhoud |
[wysig] Persoonlike voornaamwoord
Die persoonlike voornaamwoord staan in die plek van:
- Persoon of persone bv.
- Willie leer hard. Hy sal beslis slaag.
- Ek; jy; u; hy; sy; ons; julle; hulle; dit is dors.
- Die man ken my; jou; u; hom; haar; ons; julle; hulle.
- `n Dier of diere:
- Die hond is in die huis. Jaag hom uit.
- Die perske is groen. Moenie hom eet nie.
[wysig] Onpersoonlike voornaamwoord
Die onpersoonlike voornaamwoord kom gewoonlik by natuurlike verskynsels voor:
- Dit reën.
- Dit hael.
- Dit spook.
[wysig] Besitlike voornaamwoord
Die besitlike voornaamwoord dui besitting aan:
- Dit is my; jou; u; haar; sy fiets.
- Die fiets is myne; joune; haarne; u s`n; syne;.
[wysig] Betreklike voornaamwoord
Die betreklike voornaamwoord kan ook saam met met 'n voorsetsel gevoeg word:
- Die pen wat ek gebruik is duur.
- Die pen waarmee ek skryf is duur.
- wat + aan = waaraan.
- wat + by = waarby.
- wat + deur = waardeur.
- wat + in = waarin.
- wat + met = waarmee.
- wat + na + toe = waarnatoe.
- wat + onder = waaronder.
- wat + oor = waaroor.
- wat + op = waarop.
- wat + sonder = waarsonder.
- wat + uit = waaruit.
- wat + van = waarvan.
- wat + vir = waarvoor.
[wysig] Vraende voornaamwoord
Die vraende voornaamwoord staan gewoonlik aan die begin van `n sin:
- Wie het gekom?
- Wat het hy gesê?
- Watter kind het seergekry?
- Waaroor is jy dankbaar?
- Waarmee is jy klaar?
[wysig] Onbepaalde voornaamwoord
Die onbepaalde voornaamwoord het nie betrekking op een persoon of saak nie:
- Iemand het dit gevat.
- Niemand het hulle huiswerk gedoen nie.
- Die mense sê dis waar.
