Vrye Hansestad Bremen
vanuit Wikipedia, die vrye ensiklopedie.
| Landsvlag | Landswapen |
|---|---|
 |
 |
| (Besonderhede) | (Besonderhede) |
| Leuse | |
 „Buten un binnen - wagen un winnen“ („Buite en binne - waag en win“) Inskrif oor die portaal van die Schütting Leuse van die Bremense koopmans |
|
| Basiese gegewens | |
| Ampstaal: | Duits |
| Hoofstad: | Bremen |
| Stigting: | 1946 |
| Oppervlakte: | 404,28 km² (16de) |
| Bevolking: | 664 080 (16de) (1 April 2006) |
| Bevolkingsdigtheid: | 1 642 inwoners / km² (3de) |
| Volkslied: | Der Bremer Schlüssel |
| Skuldlas: | 20 178 € per inwoner (31 Desember 2006) |
| Werkloosheidsyfer: | 12,1 % (Oktober 2007) |
| ISO 3166-2: | DE-Hb |
| Amptelike webwerf: | bremen.de |
| Politiek | |
| President van die Senaat: | Jens Böhrnsen (SPD) |
| Regeringspartye: | SPD en Bündnis 90/Die Grünen |
| Setels in die parlement (Bürgerschaft) (83 setels): |
SPD 33 CDU 23 Bündnis 90/Die Grünen 14 Die Linke 7 FDP 5 Onafhanklikes 1 |
| Laaste verkiesing: | 13 Mei 2007 |
| Volgende verkiesing: | 2011 |
| Parlamentêre verteenwoordiging | |
| Stemme in die Federale Raad: | 3 |
| Kaart | |
 |
|
Die Freie Hansestadt Bremen (Vrye Hansestad Bremen) is die kleinste van Duitsland se sestien deelstate met 'n oppervlakte van 404,28 vierkante kilometer en 'n bevolking van 664 080 mense (1 April 2006). In administratiewe opsig bestaan die deelstaat net uit die twee stede Bremen en Bremerhaven, wat sowat 60 km van mekaar af lê en twee enklawes in die deelstaat Nedersakse vorm. Die stad Bremen lê aan die Weserrivier, Bremerhaven by sy monding in die Noordsee.
Inhoud |
[wysig] Politieke struktuur
[wysig] Algemene oorsig
Volgens Bremen se grondwet dra die Bremiese deelstaat die amptelike naam "Freie Hansestadt Bremen". Volgens die grondwet staan die Bremiese staat by demokrasie, sosiale geregtigheid, vryheid, omgewingsbewaring, vrede en wedersydse begrip en vriendskap tussen die nasies. Alle mag gaan van die mense uit.
[wysig] Wetgewende vergadering
Die 'Bürgerschaft' of parlement met 83 afgevaardigdes word elke vier jaar lede in die kiesafdelings Bremen en Bremerhaven. In 'n bepperkte mate word daar in die Bremiese grondwet ook voorsiening gemaak vir volkstemmings. 66 van die 67 afgewaardigdes, wat in die munisipale verkiesings van die stad Bremen verkies word, is ook afgevaardigdes van die 'Bürgerschaft'. Die stad Bremerhaven het ook 'n eie parlement en burgermeester.
[wysig] Uitvoerende gesag
Die Bremiese Senaat dien as die uitvoerende gesag. Die senatore word deur die 'Bürgerschaft' met die meerderheid van die uitgebragte stemme vir dieselfde ampstermyn soos die 'Bürgerschaft' verkies. Daar kan ook 'n aantal van staatsrade verkies word, maar hulle aantal mag nie meer as 'n derde deel van die aantal van die senators beloop nie. In vergelyking met die ander Duitse deelstate se regerings is die Bremiese Senaat in sy geheel regstreeks aan die parlement verantwoordelik, en die Bremiese burgemeester geniet in vergelyk met die ander senatore geen voorrregte nie. Die senators kan nie tewens lede van die 'Bürgerschaft' wees nie.
[wysig] Regspraak
Die regterlikge mag word deur onafhanklike regters uitgeoefen. Die lede van die geregshowe word deur 'n kommissie verkies, wat uit drie lede van die Senaat, vyf lede van die 'Bürgerschaft' en drie regters bestaan.
Die Bremiese staatsgeregshof lewer uitsprake oor grondwetlike sake. Die staatsgeregshof bestaan uit die president van die hoogste administratiewe gereg (of sy adjunk) en ses verkose lede, waarvan twee Bremiese regters moet wees.
