Vryheid
vanuit Wikipedia, die vrye ensiklopedie.
Vryheid is 'n dorp in noordelike KwaZoeloe-Natal. Die grootste bedrywighede in die area is beesboerdery en die myn van steenkool. Die dorp is die grootste in die Zoeloeland-distriksmunisipaliteit en is ook die setel van die Abaqulusi Plaaslike Munisipaliteit.
[wysig] Geskiedenis
Grond en boerderyregte is aan die Britte- en Boerehuursoldate toegestaan langs die Mfolozi-rivier nadat hulle vir Dinuzulu gehelp het om sy teenstander Usibepu te verslaan as troonopvolger van die Zoeloes.
Op 5 Augustus 1884 stig die huursoldate die Nieuwe Republiek (Nuwe Republiek) met Vryheid as die hoofstad. Dit word later saam met die Suid-Afrikaanse Republiek geïnkorporeer, maar teen die einde van die Tweede Boereoorlog was die dorp en sy omliggende dele in Natal geabsorbeer. Vryheid is geleë langs die Spoornet kool-lyn.
