Waboom

Waboom
	; 'n Waboom - blomme en blare.
Wetenskaplike klassifikasie
Koninkryk:	Plantae;
(geen rang):	Angiospermae;
(geen rang):	Eudicots;
Orde:	Proteales;
Familie:	Proteaceae;
Genus:	Protea;
Spesie:	P. nitida;
Binomiale naam
	Protea nitida; Mill.

Die Waboom (Protea nitida) - voorheen Protea arborea - is die protea spesie wat die hoogste voorkom in die winterreënval gebied. Die boom word in die Wes-Kaap aangetref gewoonlik vanaf seevlak tot op 2,000 m. Die plant ontwikkel slegs tot 'n klein boompie.

Die Waboom het sy naam te danke aan die Voortrekkers wat die boom se hout gebruik het om ossewaens te maak. Die hout van die boom het nie reguit vesels nie, maar is inmekaar gevleg. Dit maak die hout besonder sterk. Verskeie onderdele van 'n ossewa, soos die wa-wielvellings word hiervan gemaak.