Walliesers in Argentinië
| Walliesers | |
|---|---|
 |
|
| Totale bevolking: | 50 000[1] |
| Belangrike bevolkings in: | Chubut-provinsie, Argentinië |
| Taal: | Spaans, Wallies (10%)[1] |
| Geloofsoortuiging: | Christendom (Rooms-Katolieke Kerk en Protestantisme) |
| Verwante etniese groepe: | Walliesers |
Die Walliese gemeenskap in Argentinië (Wallies: Y Wladfa) het ontstaan deur immigrasie wat in 1865 hoofsaaklik aan die kus van die Chubut-provinsie in die verre suidelike deel van Patagonië, Argentinië, begin het. In die 19de en vroeë 20ste eeue het die Argentynse regering immigrasie van Europeërs aangemoedig om die land buite die gebied Buenos Aires te bevolk. Tussen 1856 en 1875 is ten minste 34 immigrante-nedersettings van verskeie nasionaliteite tussen Santa Fe en Entre Rios gevestig. Benewens die hoof-Walliese kolonie in Chubut is 'n kleiner kolonie in Santa Fe gevestig deur 44 Walliesers wat Chubut verlaat het. Nog 'n groep het hulle in Coronel Suárez in die suidelike deel van die Buenos Aires Provinsie gevestig.[2] Teen die vroeë 21ste eeu het die Wallies-Argentynse gemeenskap ongeveer 72 685 getel. Volgens Chubut se eie skatting is die aantal Wallies-sprekers ongeveer 1 500 terwyl ander skattings die getal so hoog as 5000 stel.[3] [4]
Verwysing[wysig]
- ↑ 1,0 1,1 “Wales and Argentina”. Wales.com website. Welsh Assembly Government: 2008. URL besoek op 24 Desember 2010.
- ↑ Birt, Paul W. (2005). “Welsh (in Argentina)”, Diarmuid Ó Néill (ed.): Rebuilding the Celtic Languages. Talybont: Y Lolfa, 146. ISBN 0-86243-723-7.
- ↑ Western Mail, 27 Desember 2004
- ↑ bbc.co.uk: Y Wladfa - The Welsh in Patagonia
