Wapen van Natal

in Wikipedia, die vrye ensiklopedie
Spring na: navigasie, soek
Die wapen van Natal

Die wapen van Natal was die amptelike heraldiese simbool van Natal as kolonie vanaf 1907 tot 1910, en as provinsie vanaf 1910 tot 1994. Die wapen word nie meer amptelik gebruik nie.

Die amptelike wapenbeskrywing is:

In blou, geplaas voor berge en op 'n vlakte, twee swartwildebeeste in volle ren langs mekaar in natuurlike staat, alles van natuurlike kleur, die skild gedek deur 'n kroon bestaande uit 'n hoofring beset met breedarmige kruise en vier diademe getop deur 'n breedarmige kruis, alles van goud, met 'n swart mus; op 'n lint onderaan die skild, die woord "NATAL".[1]

Aanvanklik het die wapen slegs uit die skild bestaan; die kroon en die lint met die naam is later bygevoeg.

Geskiedenis[wysig]

Ampsseël

Die wapen is in 1907 deur G. Ambrose Lee, die York Herald by die College of Arms in Engeland op aansoek van die Natalse koloniale regering ontwerp. Die wildebeeste was alreeds dekades lank Natal se amptelike simbool, wat op sy ampsseël en vlagkenteken voorgekom het. Koning Edward VII het die wapen amptelik op 16 Mei 1907 aan die kolonie toegeken.[2] [3]

Die Natalse Provinsiale Administrasie wat die koloniale regering se plek in 1910 ingeneem het het die wapen behou, en die koninklike kroon en die naamlint daaraan toegevoeg. Toe die wapen in 1955 weer by die College of Arms op rekord geplaas is, is die kroon effens aangepas om dit uniek aan Natal te maak. Die wapen is in 1969 by die Buro vir Heraldiek geregistreer.[3] en is tot 1994 as provinsiale wapen gebruik.

Sien ook[wysig]

Verwysings[wysig]

  • Brownell, F.G. (1993). Nasionale en Provinsiale Simbole.
  • Pama, C. (1965). Lions and Virgins.
  1. Buro vir Heraldiek
  2. Pama, C. (1965). Lions and Virgins
  3. 3,0 3,1 Brownell, F.G. (1993). Nasionale en Provinsiale Simbole

Eksterne skakels[wysig]