Waratah

in Wikipedia, die vrye ensiklopedie
Spring na: navigasie, soek
Die skip SS Waratah.

Die SS Waratah was 'n passasierstoomskip van die Lund's Blue Anchor-redery wat om Suid-Afrika op die roete tussen Australië en Brittanje gevaar het. Die skip is verantwoordelik vir een van die grootste seegeheime in die geskiedenis van Suid-Afrika. Op 26 Julie 1909 het die Waratah (9 339 ton) met 211 persone aan boord - 92 passasiers - uit Durban na Oos-Londen vertrek. Die skip het nooit in Oos-Londen aangekom nie. Die lot van die skip is tot hede nog onbekend. Daar word geglo dat die Waratah in 'n storm vergaan het en geen oorblyfsels is ooit gevind nie.

Daar was reeds verskeie pogings om die wrak op te spoor. Die Suid-Afrikaanse NUMA (South-Africa National Underwater and Marine Agency) berig in 1987 dat hulle die skip 10 km vanaf die kus ontdek het.[1] In 2001 blyk dit dat dit 'n ander skip was, die Nailsea Meadow, wat tydens die Tweede Wêreldoorlog gesink het.[2]

Bron[wysig]