Warmbad, Namibië

in Wikipedia, die vrye ensiklopedie
Spring na: navigasie, soek
Hierdie artikel handel oor die dorp in Namibië. Vir die dorp in Suid-Afrika, sien Bela-Bela.
Warmbad
Ligging van Warmbad op 'n kaart (Namibië)
Warmbad
Warmbad
Koördinate: 28°27′0″S 18°44′0″O
Land Vlag van Namibië Namibië
Streek Karas
Oppervlak
 - Stad 12 km²  (4,6 vk m)
Bevolking (2010)
 - Stad 6 829
 - Digtheid 567/km² (1 468,5/myl2)

Warmbad (Nama: |Aixa-aibes) is 'n dorp in die uiterste suidooste van Namibië, in die Karas-streek, 43 km suid van Karasburg, met 'n oppervlakte van 12 km² en 'n bevolking van 6 829 (2010).

Warmbad lê sowat 720 m bo seevlak naby die oorsprong van die Homrivier en die grens met Suid-Afrika. Die dorp het 'n droë en gematigde klimaat wat kenmerkend is van die Namaland-plato - 'n gebied tussen die suidelike Namibwoestyn en die steppe-klimaatsone in die ooste. Belangrike toeriste-aantreklikhede sluit die sendingkerk van 1810 en Warmbad se naamgewende en internasionaal bekende warmbronne in.

Geskiedenis[wysig]

Warmbad vroeg in die 20ste eeu.
Die barakke op Warmbad.
Seëls van Duits-Suidwes-Afrika met die posstempel Warmbad 1898

Die eerste verwysing na Warmbad dateer uit 1760. Die dorp was destyds 'n belangrike bestemming vir handelaars, grootwildjagters en sendelinge uit die Kaapkolonie en 'n beduidende nedersetting van die inheemse Namavolk. Daarnaas het dit ook as toevlugsoord vir Nama's gedien wat deur Europese setlaars uit die Kaapprovinsie verdryf is.

Tussen 1805 en 1810 het Christian en Abraham Albrecht in opdrag van die Londense Sendinggenootskap hier 'n sendingstasie gevestig. Hierdie stasie is gedurende die Orlamopstand van 1811 vernietig en eers in 1834 deur Edward Cook, 'n sendeling van die Wesleyaanse Sending, herbou. In 1867 is die sendingstasie deur die Rynse Sending oorgeneem. Die sendingwerk is verskeie kere onderbreek, onder meer in 1903 as gevolg van die Bondelswartopstand teen die Duitse koloniale bewind.

Vandag is Warmbad 'n lewendige en besige gemeenskap met 'n Afrikaner- en Namabevolking en 'n gewilde toeristebestemming.

Sien ook[wysig]