Warskou-konsentrasiekamp

in Wikipedia, die vrye ensiklopedie

Die Warskou-konsentrasiekamp (Duits Konzentrationslager Warschau, afgekort KZ-Warschau) was 'n konsentrasiekamp in Duits-besette Warskou tydens die Tweede Wêreldoorlog wat op die bouvalle van die Warskou-ghetto opgerig is.

Die Poolse Instituut vir Nasionale Nagedagtenis (IPN) skat dat die aantal slagoffers daar oorlede "nie minder as tienduisende" is nie. Die organisasie is huiwerig om 'n presiese getal te noem, aangesien daar amper niks bewyse van die kamp oorgebly het nie. Bewerings dat die Warskou-konsentrasiekamp 'n doodskamp met gaskamers en ongeveer 200 000 slagoffers was, word deur historici ontken.