Wartenberg

in Wikipedia, die vrye ensiklopedie
Spring na: navigasie, soek
Wartenberg
Die nuwe dorpskerk van Wartenberg
Die nuwe dorpskerk van Wartenberg
Ligging in Berlyn
Ligging in Berlyn
Koördinate: 52°34′29″N 13°31′5″O
Land Vlag van Duitsland Duitsland
Deelstaat Berlyn
Distrik Lichtenberg
Stigting Omstreeks 1230
Oppervlak
 - Stadsdeel 6,92 km²  (2,7 vk m)
Hoogte 60 m (197 vt)
Bevolking (30 Junie 2012)
 - Stadsdeel 2 359
 - Digtheid 341/km² (883,2/myl2)
Tydsone MET (UTC+1:00)
 - Somer (DST) MEST (UTC+2:00)
Poskode 13059
Skakelkode(s) 030

Wartenberg is 'n stadsdeel in die Berlynse distrik Lichtenberg. In die plaaslike taalgebruik verwys die pleknaam gewoonlik nie na die historiese dorpskern nie, maar eerder na 'n buurt in die aangrensende stadsdeel Neu-Hohenschönhausen waar in die DDR-tydperk nuwe woonstelgeboue opgerig is.

Ligging[wysig]

Wartenberg is in die noordelike deel van die stadsdistrik Lichtenbverg geleë. Dit grens aan die Berlynse stadsdele Malchow, Neu-Hohenschönhausen en Falkenberg en aan die distrik Barnim in die deelstaat Brandenburg.

Geskiedenis[wysig]

Markgraaf Albrecht I van Brandenburg het vanaf 1157 nuwe setlaars uit gebiede soos die Altmark, die Harz-gebergte, Vlaandere en die Ryngebiede uitgenooi om hulle in Brandenburg te vestig. Die nuwe aankomelinge het dikwels plekname uit hul tuislande aan die nuutgestigte Angerdörfer en straatdorpe (soos byvoorbeeld Wartenberg en Falkenberg) gegee. So dra ook Wartenberg, wat omstreeks 1230 gestig, dieselfde naam soos 'n aantal nedersettings in die Altmark.

Die voormalige dorpskerk van Wartenberg het waarskynlik omstreeks 1250 ontstaan. Hierdie kerkgebou is vroeër as een van die mooiste dorpskerke in Berlyn beskou, maar teen die einde van die Tweede Wêreldoorlog vernietig. Enkele van sy skatte, soos die Maria-altaar, is egter verwyder voordat die kerk deur die Duitse leër opgeblaas is en kan tans in die Tabor-kerk te Hohenschönhausen en in die Märkisches Museum besigtig word.